کیا ذکر رہے ثابت اسلام بنارس میں

کیا ذکر رہے ثابت اسلام بنارس میں

ہر طفل برہمن زا ہے اب رام بنارس میں

پڑتی ہے نظر جس پر وہ اپنی طرف کھینچے

پاوے کوئی دل کیوں کر آرام بنارس میں

ہر کوچہ صنم خانہ ہر طفل بت آزر

بت خانۂ عالم ہے ہر بام بنارس میں

رکھتے ہیں وہاں ہم بھی محبوب خلیل آسا

اسلام کا ہے جس سے اب نام بنارس میں

یہ شہر تو ہے معبد ہندو و مسلماں کا

ہر دل کی تمنا ہے انجام بنارس میں

انداز سمجھ کر کے اے فردؔ قدم رکھنا

ہر نقش کفِ پا ہے اب دام بنارس میں