shaharyaran-e-qana’at ke the afsar chand

shaharyārān-e-qanā’at ke the afsar chāñd

jis tarh sab aḳhtaroñ kā hai ye aḳhtar chāñd shaah

qutb the aur jāguzīñ the qutb ke mānind vo

misl-e-sūraj ke nahīñ phirte the dar-dar chāñd shaah

boriyā-e-faqr par baiThe vo aise shauq se

tā-dam-e-murdan na uTThe us se dam bhar chāñd shaah

thī qanā'at aur tavakkul aap kī ruuhī ġhizā

kuchh nahīñ rakhte the hirs-e-lā’l-o-gauhar chāñd shaah

ganj-e-qārūñ gar koī detā na rakhte apne paas

saaf kar dete the dam-bhar meñ luTā kar chāñd shaah

pheñkte ḳhāshāk ke mānind apne haath se

be-takalluf kīsa-e-lā’l-o-dar-o-zar chāñd shaah

ḳharch un kā dekh kar kahte the duniyā-dār yuuñ

dast-e-ġhaib un ko hai yā haiñ kīmiyā-gar chāñd shaah

ittibā’-e-sunnat-e-nabavī kā aisā thā ḳhayāl

bar-ḳhilāf us ke na chalte mū barābar chāñd shaah

'āshiq-e-sunnat the nafrat thī unheñ bid’at se saḳht

jānte the bid’atī ko ḳhar se bad-tar chāñd shaah

kyā majāl us ko ki rakkhe dil meñ duniyā kī havas

shauq se puurī tavajjoh karte jis par chāñd shaah

saikḌoñ ko kar diyā darvesh-e-kāmil aap ne

kyuuñ na ho kāmil the aur kāmil ke afsar chāñd shaah

aap kā dil ā.īna se bhī ziyāda saaf thā

bil-yaqīñ anvār-o-’irfāñ ke the manzar chāñd shaah

dekhte the ā.īna kī tarah anvār-e-ḳhudā ko

rakhte the pahlū meñ aisā qalb-e-anvār chāñd shaah

shaharyaran-e-qana’at ke the afsar chand

jis tarh sab aKHtaron ka hai ye aKHtar chand shah

qutb the aur jaguzin the qutb ke manind wo

misl-e-suraj ke nahin phirte the dar-dar chand shah

boriya-e-faqr par baiThe wo aise shauq se

ta-dam-e-murdan na uTThe us se dam bhar chand shah

thi qana'at aur tawakkul aap ki ruhi ghiza

kuchh nahin rakhte the hirs-e-la’l-o-gauhar chand shah

ganj-e-qarun gar koi deta na rakhte apne pas

saf kar dete the dam-bhar mein luTa kar chand shah

phenkte KHashak ke manind apne hath se

be-takalluf kisa-e-la’l-o-dar-o-zar chand shah

KHarch un ka dekh kar kahte the duniya-dar yun

dast-e-ghaib un ko hai ya hain kimiya-gar chand shah

ittiba’-e-sunnat-e-nabawi ka aisa tha KHayal

bar-KHilaf us ke na chalte mu barabar chand shah

'ashiq-e-sunnat the nafrat thi unhen bid’at se saKHt

jaante the bid’ati ko KHar se bad-tar chand shah

kya majal us ko ki rakkhe dil mein duniya ki hawas

shauq se puri tawajjoh karte jis par chand shah

saikDon ko kar diya darwesh-e-kaamil aap ne

kyun na ho kaamil the aur kaamil ke afsar chand shah

aap ka dil aaina se bhi ziyaada saf tha

bil-yaqin anwar-o-’irfan ke the manzar chand shah

dekhte the aaina ki tarah anwar-e-KHuda ko

rakhte the pahlu mein aisa qalb-e-anwar chand shah