ہمارا گلستاں":ذرہ ذرہ خاک زاد ہند کا جنت نشاں
ذرہ ذرہ خاک زاد ہند کا جنت نشاں
مفتخر روداد اس کی معتبر ذکر وبیاں
مرجع اقوام عالم اس کا سنگ آستاں
باعث تسکین دل وجہ نشاط قلب وجاں
یہ ہمارا گلستاں ہے یہ ہمارا گلستاں
صبح دم اٹھکھیلیاں کرتی ہے جب باد صبا
چاک ہوجاتی ہے اکثر غنچہ وگل کی قبا
بیٹھ کر شاخ چمن پر طائران خوش ادا
چھیڑ دیتے ہیں وفا کوشی کی رنگیں داستاں
یہ ہمارا گلستاں ہے یہ ہمارا گلستاں
ایک ہی ہے راستہ شیخ وبرہمن کے لئے
ایک ہی ہے باغباں ابنائے گلشن کے لئے
خوشنما گلہائے رنگا رنگ دامن کے لئے
وہ بجا ناقوس یہ گونجی موذن کی اذاں
یہ ہمارا گلستاں ہے یہ ہمارا گلستاں
چاہئے کچھ قلب وجاں کی شادمانی کے لئے
زندگیِ روز وشب کی ترجمانی کے لئے
پاسبانو آؤ اس کی پاسبانی کے لئے
سعیٔ پیہم سے بنا دیں اس کو ہم شکل جناں
یہ ہمارا گلستاں ہے یہ ہمارا گلستاں
- کتاب : تذکرہ شعرائے اتر پردیش جلد گیارہویں (Pg. 131)
- Author : عرفان عباسی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
