کہیں زحمت کہیں رحمت کہیں شفا ہوں میں

کہیں زحمت کہیں رحمت کہیں شفا ہوں میں

کہیں عابد کہیں منکر کہیں فنا ہوں میں

کہیں عاجز کہیں سرکش کہیں رضا ہوں میں

کہیں منصف کہیں مجرم کہیں سزا ہوں میں

کہیں رہبر کہیں رہزن کہیں دغا ہوں میں

کہیں دلبر کہیں عاشق کہیں وفا ہوں میں

کہیں ساقی تو کہیں رند پارسا ہوں میں

کہیں ہمدرد کہیں درد لا دوا ہوں میں

میرے وجود میں ہے خیر و شر کی آگاہی

کبھی ولی کبھی ابلیس سے گرا ہوں میں