نظم "دوست کی یاد":زیبا طرازی غم ایام کیا کہوں

زیبا طرازی غم ایام کیا کہوں

فرقت کی صبح عیش کی وہ شام کیا کہوں

جب تم گئے تھے آہ وہ ہنگام کیا کہوں

آغاز دل فریب کا انجام کیا کہوں

ہنگامہ خیزیوں میں محبت ہوئی ہے گم

دل میں زباں زباں میں نظر اور نظر تم

ہم روٹھتے تھے ہم کو منا کر گئے ہو تم

دل میں نقوش اپنے بنا کر گئے ہو تم

ہم کو اسیر رنج وغنا کر گئے ہو تم

تم کیا گئے ہو دل کو فنا کر گئے ہو تم

دل ڈھونڈھتا ہے پھر وہی معراج زندگی

جب تم تھے پاس کاش وہی دن ہو آج بھی