ایک دن یار ترا کوئی طلبگار نہ تھا
دلچسپ معلومات
واسوخت
ایک دن یار ترا کوئی طلبگار نہ تھا
دام کا کل میں ترے ایک گرفتار نہ تھا
عشق کا تیرے کوئی ایک دل افگار نہ تھا
کوئی کوچہ میں ترے ایک بھی بیمار نہ تھا
اس قدر گرم ترے حسن کا بازار نہ تھا
تیری دوکان پہ کوئی ایک خریدار نہ تھا
حسن کا شہر ہ ترے ہم سے ہوا عالم میں
فتنہ آشوب تجھے ہم نے کیا عالم میں
گل رخاں ماہ و شاں اور بھی ہیں عالم میں
دلبراں عشوہ گراں اور بھی ہیں عالم میں
رشک حوران جناں اور بھی ہیں عالم میں
نازنیں سیم براں اور بھی ہیں عالم میں
فتنہ انگیز جہاں اور بھی ہیں عالم میں
شوخ عشاق کشاں اور بھی ہیں عالم میں
پر تیرا سا ستم آباد نہ دیکھا ہم نے
اس طرح کا کوئی جلاد نہ دیکھا ہم نے
میں کسی دام میں کا کل کے گرفتار نہ تھا
جزرخ صبح کشا ہم کو سروکار نہ تھا
واقف از سر زنش جان دل افگار نہ تھا
غیر دیدار شب و روز کوئی کار نہ تھا
کون سا وقت تھا جو لطف ترا یار نہ تھا
ایسا دن رات نہ تھا جس میں تو غمخوار نہ تھا
جان من خوئے جفا کس نے سکھائی تجھ کو
کس ستمگار نے یہ راہ دکھائی تجھ کو
- کتاب : Al-Mujeeb, Phulwari Sharif (Pg. 37)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.