صبحِ بنارس

میری نگاہ میں اک حسن انتخاب ہے تو

جواب جس کا نہیں ہے وہ لاجواب ہے تو

گال ہیں تیرے صبحِ بنارس زلف اودھ کی شام رے

ایک نظر میں دل کھو بیٹھے کیا ہوگا انجام رے

اے میری زہرہ جبیں تجھ کو معلوم نہیں

دل میرا لوٹ گیا یہ تیرا روئے حسین

تیرے گالوں کی دمک جیسے جگنو کی چمک

چال میں تیری لچک جیسے شعلوں کی لپک

مرمریں تیرا بدن او میری غنچہ دہن

تیری ہر ادا کفر شکن تو کلا کار کا فن

ہر ادا سر تاپا غزل جھیل میں جیسے کنول

دیکھ کر جائے مچل دل کو پھر آئے نہ کل

دانت موتی ہیں تیرے منہ شگفتہ سی کلی

میٹھی باتیں ہیں تیری جیسے مصری کی ڈلی

ناز سے تو جو چلے دل ہو قدموں کے تلے

ہر کوئی ہاتھ ملے حشر ٹالے نہ ٹلے

عشق کی آن ہے تو درد کی جان ہے تو

سچ تو یہ ہے کہ میرے دل کا ارمان ہے تو

دل میں تیری تصویر کھینچی ہے لب پر تیرا نام رے

اک نظر میں دل کھو بیٹھے ہوگا کیا انجام رے

آ کہیں دور چلیں شاد و مسرور چلیں

دل ہے مجبور چلیں کر نہ رنجور چلیں

بات دنیا کی نہ کر چل بلاؤں سے گذر

کس کو ہے کس کی خبر ہر کوئی تنگ نظر

یوں نہ بیگانہ سمجھ اپنا دیوانہ سمجھ

اپنے مطلب کے ہیں سب کیا کریں پاس ادب

ان کا دستور عجب پوچھ مت اس کا سبب

پیار کا گیت چلے اب یہی ریت چلے

ہار سے جیت چلے پیت سے پیت چلے

زندگی پیار سے ہے پیار اقرار سے ہے

حسن پندار سے ہے غم دلِ آزار سے ہے

چھوڑ یہ وہم و گماں اور جائیں گے کہاں

صاف آتے ہیں نظر دیکھ منزل کے نشاں

دور نہیں ہے پیار کی منزل چلنا ہے دو گام رے

اک نظر میں دل کھو بیٹھے ہوگیا کیا انجام رے

عرض حالات نہ کر خونِ جذبات نہ کر

فکر کی بات نہ کر تو سوالات نہ کر

میں ہوں شیدائی تیرا مجھ کو پہچان بھی لے

میں تجھے جان گیا تو مجھے مان بھی لے

عشق کہتے ہیں کسے تو نے سمجھا ہی نہیں

سر سے جائے جو کبھی یہ وہ سودا ہی نہیں

تیر پر تیر چلا کر ستم حد سے سوا

کس نے روکا ہے تجھے حوصلے اپنے بڑھا

کس نے روکا ہے تجھے حوصلے اپنے بڑھا

حسن خود دار تو ہے اس سے انکار نہیں

عاشقی جرم سہی قابل دار نہیں

حسن کے سر میں گھمنڈ عشق کو نرمی پسند

جانے اس ضد میں کہاں ٹوٹ جائے گی کمند

اس لیے مان کہا اے میری جان غزل

راہِ الفت میں میرا ساتھ دے ساتھ میں چل

پیار کی بات چلے پیار کا دیپ جلے

پھر چنبیلی کے تلے آؤ لگ جائیں گے

دل کو دل پہچان گیا ہے چھوڑو خیال خام رے

ایک نظر میں دل کھو بیٹھے ہوگا کیا انجام رے