سادھو بھائی جیوت ہی کرو آسا

میرے بھائی، جب تک زندہ ہو تب تک امید رکھو۔ سمجھ بوجھ زندگی کے ساتھ ہے۔ نجات بھی زندگی ہی میں ممکن ہے۔ اگر تم نے زندگی میں اپنے بندھن نہیں توڑے (کرم کا پھندا نہیں کاٹا) تو مرنے کے بعد نجات کی کیا امید رکھتے ہو۔ یہ ایک خیال خام ہے کہ روح تن سےنکل کر بھگوان سے مل جائے گی۔ اگر وہ اب ملا تو تب بھی ملے گا، نہیں تو موت کی نگری میں بسنا پڑے گا۔ ست (صداقت) کو آج گرفت میں لاؤ۔ ست گرو کو آج پہچانو، ست نام پر آج یقین کرو۔ کبیرؔ کہتے ہیں کہ ہم تو تلاش اور جستجو کے جذبے کے غلام ہیں۔ کیوں کہ آخر میں یہی جذبہ کام آتا ہے۔

(ترجمہ: سردار جعفری)