عاشق زار من بیا تا بر خود نشانمت

1. اے میرے عاشق زار! میرے پاس آ تاکہ تجھ کو اپنے سامنے بٹھاؤں، مجھ سے اگر تونے سرکشی کی تو بھی میں تجھ کو بالوں سے پکڑ کر کھینچ لوں گا (یہ اشعار اپنے مضمون کے اعتبار سے بہ زبان معشوق ہیں اور معشوق و محبوب اللہ تعالیٰ کی ذات جل و علا ہے، مطلب یہ ہے کہ اگر تیرا عشق سچا ہے تو محبوب سے بچ کر کہاں جاسکتا ہے، اگر بشری تقاضے، بندۂ عاشق کو مجھ سے دور کردیں تو پھر بھی میں اس کو خود سے دور نہیں ہونے دوں گا)۔

2. اے میرے عاشق زار! میرے پاس، آ تاکہ ہر لمحہ اپنی اداؤں سے نیا تیر تجھ پر پھینکوں، اور تجھ کو خون جگر پلاؤں (مطلب یہ ہے کہ عشق کے امتحان سے نہ گھبرا، جفائے معشوق سہنا تو عاشق صادق کے لئے ایک آزمائش ہے)۔

3. اے میرے عاشق زار! میرے پاس آ، غیروں کے پاس نہ جا، میرے در پر بیٹھا رہ تاکہ میں تجھ کو سب سے بے نیاز کردوں۔

4. اے میرے عاشق زار! میرے پاس آ، میری بارگاہ میں آجا، گرچہ یہاں تک پہنچنا تیری حد اوقات سے باہر ہے، لیکن پھر بھی میں تجھ کو اپنے کرم سے یہاں تک بلا رہا ہوں (یعنی ایک مشت خاک کی اس حریم قدس میں گذر کہاں؟ یہ اس کا کرم ہے کہ محبین صادقین کو اپنا قرب عطا فرماتا ہے)۔

5. اے میرے عاشق زار! غم نہ کر، جب محی نے کہہ دیا تیرے ہاتھ اور تیری زبان جو غم کے ہاتھوں گرفتار ہے اس سے میں آکر تجھے چھٹکارا دلاؤں گا۔