بگذشت عمرم در جستجویت

عمر گذر گئی تیری جستجو میں، میں تجھ کو کیسے دیکھوں اے ماہ رو۔ (یہاں مخاطب محبوب دو عالم ہیں یا شاعر نے اپنے پیرو مرشد کو مراد لیا ہے۔ جستجو میں عمر گذرنے سے عرفان وولایت کے مراتب جاننا مراد ہے، اور دیکھنے سے وہ صورت دیکھنی مراد ہے جو حقیقت ومعرفت کی صورت معنوی ہے)۔

بغیر قرآن پڑھے میں مسلمان ہوگیا، میں تیری صورت دیکھے بغیر تیرا عاشق ہوں۔ (قرآن سے آنحضرت کی سیرت مبارکہ مراد ہے یعنی آپ کی سیرت کو پڑھے بغیر اور صورت دیکھے بغیر آپ پر عاشق ہوں)۔

آپ کی زلف مشکیں اور روئے منور سے یہی عہد باندھ رکھا ہے کہ زندگی بھر آپ کا دیوانہ رہوں گا۔

آپ کی گلی کی خاک سے ہی میری عزت واہمیت ہے، اور آپ کی تمنا میں جان دینے کی آرزو بھی ہے۔

آخرنیر نے تیرے آستانے پر جان دے دی جو آپ کا سنگ در اور آپ کی گلی کا رسوا ہے۔ (مرشد گرامی کے در آستاں کے سامنے حضرت نیر کا مدفن ان کے اس شعر کی عملی تفسیر ہے)۔