مست گشتم از دو چشم ساقیٔ پیمانہ نوش

میں شراب پینے والے ساقی کی دو آنکھوں سے مست ہوگیا

اے عزت و ناموس دور ہوا، اے عقل و ہوش رخصت ہوا

یا الہی یہ مست آنکھیں ہیں یا کوئی جادو

دریا کی طرح یہ آنسوؤں کی بوندیں جوش مار رہی ہیں

میرا جسم روح کا ہم رنگ ہوگیا اور جان جسم کے موافق ہوگئی

جہاں روح چاہتی ہے جسم کو خانہ بدوش لے جاتی ہے

میں نے اس سے کہا کہ جان بھی اور جسم بھی (اے محبوب) خود تو ہے

اس نے کہا ایک دل اس راز کی حفاظت کے لئے حقیقت میں تلاش کر

میرے بس میں نہیں ہے، میں اپنی کیفیت کو ضبط کیسے کروں

میرے اندر سے آواز آرہی ہے کہ چینخ چینخ

کل میں شیخ الاسلام تھا اور مسجد میں بیٹھا تسبیح پڑھتا تھا

اب میں زنار باندھے ہوئے کافر بت پرست ہوں

اس محبوب کے قدموں میں میں نے زہد و تقویٰ کو نثار کردیا

(اب) میرا مذہب تیرا عشق اور شراب خوری اور مشرب جوش و خروش ہے

اے زاہد ! خدا کے واسطے وہ سن جو میں تجھے سے کہہ رہا ہوں

(اپنے) بیکار کو ترک کردے اور عشق کا جام میرے ہاتھوں پی

پیر مغاں کی خدمت کو میں نے فرض عین بنالیا ہے

اس کا حلقہ بگوش اس کے غلاموں میں سے میں حقیر غلام ہوں

میں نہایت عاجزی و انکساری کے ساتھ میخانے کے دروازے پر بیٹھا ہوں

ایک دو شراب کے پیالے کے لئے میں عبادت فروش بن گیا ہوں

اے نیازؔ تیرے شور و غوغا سے ایک عالم دیوانہ ہے

اس لئے اے میرے یار کچھ دیر کے لئے اپنے ہاو ہو کو خاموش کر