چنیں کشتۂ حیرت کیستم من

میں کس کی حیرت کا مارا ہوں کہ آگ کی طرح جلتے ہوئے میری زندگی گزر رہی ہے۔

نہ میں خوش ہوں نہ اداس نہ زمین ہوں نہ آسمان، نہ میں لفظ ہوں نہ موضوع تو پھر میرے معنی کیا ہیں؟

نہ تو مٹی میرا آستانہ ہے نہ آسمان میرا آشیانہ، میں اپنے پر جھاڑ رہا ہوں آخر میں کہاں ہوں؟

اگر میں فانی ہوں تو یہ ہنگامۂ ہستی کیا ہے اور اگر میں باقی ہوں تو یہ فنا ہونا کیا ہے؟

اے تخیل فخر کرو اور اے احتمال آنسو بہاؤ، کہ تجھے ہستی کا گمان ہے اور مجھے فنا کا۔

خواہشوں نے میری فریاد کو آگ میں ڈال دیا ہے، اگر میں مٹی ہو جاؤں تو میں وہ بھی نہیں ہوں۔

میری کوئی آواز نہیں میں سانسیں گن رہا ہوں، اگر میں ساز عبرت نہیں تو پھر میں کیا ہوں؟

فرصت والو ہنسو، کہ میں اپنے اوپر ہنسی کو بھی کافی سمجھتا ہوں۔

یا رب غم کے اس گھر میں کسی کو ایسی موت نہ آئے؛ میں اس دنیا میں بغیر کسی دوست کے زندگی گزار رہا ہوں۔

دنیا کو اپنے ہونے پر فخر ہے، میرا کمال یہ ہے کہ میری اپنی کوئی ہستی نہیں۔

اے بیدل تجھے ایک لمحے کے لیے جینے کا دھوکا ملا ہے، مجھ جیسے فانی شخص پر باقی ہونے کی تہمت لگایی گئ ہے۔