چنیں کشتۂ حسرت کیستم من

میں کس کی حیرت کا مارا ہوں کہ آگ کی طرح جلتے ہوئے میری زندگی گزر رہی ہے۔

نہ میں خوش ہوں نہ اداس نہ زمین ہوں نہ آسمان، نہ میں لفظ ہوں نہ موضوع تو پھر میرے معنی کیا ہیں؟

نہ تو مٹی میرا آستانہ ہے نہ آسمان میرا آشیانہ، میں اپنے پر جھاڑ رہا ہوں آخر میں کہاں ہوں؟

اگر میں فانی ہوں تو یہ ہنگامۂ ہستی کیا ہے اور اگر میں باقی ہوں تو یہ فنا ہونا کیا ہے؟

اے تخیل فخر کرو اور اے احتمال آنسو بہاؤ، کہ تجھے ہستی کا گمان ہے اور مجھے فنا کا۔

خواہشوں نے میری جوتیوں میں آگ بھر دی ہے

میں اگر مٹی بھی بن جاؤں تو اپنے قدموں پر ٹھہر نہیں سکتا۔

میری کوئی آواز نہیں میں سانسیں گن رہا ہوں، اگر میں ساز عبرت نہیں تو پھر کیا ہوں؟

اے وقت کی قدر کرنے والو! مسکراؤ،

کیونکہ ایک لمحے کے لیے میں نے خود کو ہنستا ہوا دیکھ لیا۔

اے میرے رب! اس غم کے دیار میں کسی پر موت نہ آئے،

میں نے تو دوستوں کے بغیر جینے کی سی موت سہی ہے۔

دنیا کو اپنے ہونے پر فخر ہے، میرا کمال یہ ہے کہ میری اپنی کوئی ہستی نہیں۔

اے بیدلؔ! اس ایک سانس جیسی موہوم عمر میں،

فنا کا الزام مجھ پر ہے، اور میں باقی ہوں۔