دیدہ لبریزم سراپا انتظار کیستم

میری آنکھیں لبریز ہیں میں کسی کے لۓ سراپا انتظار ہوں، مجھے کس کے دیدار کا شوق ہے اور میں کس کے لۓ بیقرار ہوں؟

میں اس معطر تل والے کا مارا ہوا اور سیاہ زلف کا قیدی ہوں، اگر میں مسلمان نہیں ہوں تو میں نے کس کا زنار اپنی گردن میں ڈالا ہے؟

نگاہوں کی تلوار سے میرا شکاری دل زخمی ہو گیا ہے، میں آدھا زخمی ہو گیا خدا میں کس کا شکار ہوں؟

دوستوں میں منصور وقت ہوں اور اناالحق کی صدا لگا رھا ہوں، میری گردن میں ایک ڈور ہے میں کس کی سولی کے نیچے ہوں؟

میں اس کے حسن کا مظہر یا اس کے چہرے کا عکس ہوں، لوگو تم ہی بتا‎ؤ کہ میں کس کا آئینہ ہوں؟

میں اپنے حسن کا خود عاشق ہوں اور اپنے ہی عشق میں مست ہوں، میں خود سے ہی بیقرار ہوں لیکن کس کے لۓ بیقرار ہوں؟

اے حافظ میں نے مدرسہ کا تلچھٹ پیا اور مے کدے میں سخت پریشان ہوں کہ میرا شمار کن لوگوں میں ہوتا ہے؟