امروز مرا در دل جز یار نمی گنجد

آج میرے دل میں صرف یار کی محبت کی جگہ ہے اور یہ محبت میرے دل میں اس قدر سمائی ہوئی ہے، کہ اب اس میں کسی اور چیز کی گنجائش باقی نہیں رہی۔

میری آنسوؤں سے بھری آنکھوں میں محبوب کے سوا کوئی نظر نہیں آتا، اور میرے مضطرب دل میں میرے یار کے علاوہ کسی اور کی گنجائش نہیں ہے۔

ان تمام غموں سے میں خوش ہوں کیونکہ میرے غم سے بھرے دل میں اداسی کے لیے کوئی جگہ باقی نہیں اور کوئ درد و غم بھی نہیں ہے اور کسی تیماردار کی بھی ضرورت نہیں ہے۔

ہمارے خون کے اس قطرہ کو اس کے سرخ لبوں سے یہ رنگ ملا ہے، اس کے جسم کی کھال پر زنار کی کو‎‎ئ ضرورت نہیں ہے۔

اس کے رخ زیبا کے حصول کے لۓ اس سرمست کے آستانے پر جاؤ کیونکہ اس کی محفل وصال میں ہوشیار لوگوں کے لۓ کوئ جگہ نہیں ہے۔

اس کے حسن کے عاشق و شیدا کو جنت میں بھی قرار نہیں مل سکتا،

اور جو اس کے دیدار کا مشتاق ہے اس کو آگ کا کوئ خوف نہیں ہو سکتا ہے۔

جب پردہ اٹھ جاتا ہے تو عالم نظر آنے لگتا ہے، جب یقین آ جاتا ہے تو گمان کی کوئ گنجائش نہیں ہوتی ہے۔

ہر آنکھ کو چاہۓ کہ اس کے حسین رخ تک رسائ حاصل کرے، جہاں اس کا جمال ہے وہاں تک ہر بصیرت کی رسائ نہیں ہے۔

میں دشمن کی بری باتوں سے رنجیدہ نہیں ہوا، اس لیے کہ میرے دل کو دوست کی ذات سے کوئ تکلیف نہیں ہے۔

میری روح نے دل کے دروازے پر دستک دی، دل نے کہا کہ لوٹ جاؤ، کیونکہ اس لمحے اس خلوت میں یار کے سوا کسی اور کی گنجائش نہیں۔

اگر تم اندر آنا چاہتے ہو تو اے عراقی تمھیں خود سے دست بردار ہونا پڑیگا کہ خیمۂ نور میں داخل ہونے کے آداب الگ ہیں۔