ماقلندر مشرباں را رسم و راہے دیگر است

1. ہم قلندر مشربوں کی رسم وراہ دوسری ہے، خاکساروں کی عزت وجاہ اس راہ میں دوسری ہے (قلندر مشرب سے سلسلہ قلندریہ کی نسبت مراد ہے جو حضرت فرد کو حاصل تھی، معنوی اعتبار سے وارفتہ صوفی مراد ہیں۔ مفہوم یہ ہے کہ اس راہ قلندری میں اعمال ظاہری کے رسوم سے کم اور باطنی امور کی طرف توجہ زیادہ ہے۔ اس رہ قلندری میں خاکساروں کی جو عزت ہے وہ دینوی عزوجاہ سے مختلف ہے)۔

2. عشق کے جوئے میں جان ہارنا میر ی طاعت ہے، یہاں طاعت دوسری یہاں، جرم وگناہ دوسرے ہیں (عشق کو جوئے سے تعبیر کیا ہے۔ جوئے میں رقم ہارتے ہیں، عشق زندگی، زندگی کی حفاظت شرعا ضروری ہے، اور اس کے خلاف کرنا جرم وگناہ ہے، لیکن عشقِ حقیقی میں سرمایۂ زندگی بار جانا جرم نہیں، طاعت ہے، اس لئے وہ قلندری ایسی راہ ہے کہ یہاں طاعت کامفہوم اور جرم وگناہ کا معنی مختلف ہے)۔

3. جبہ و دستار کو یعنی زہد وتقویٰ کو شرابِ عشق کے عوض گرو کردینا ہمارا مذہب ہے، میں رندوں ہوں اور مغاں کے کوچہ سے میرے لئے دوسری سجدہ گاہ ہے۔

4. میرا مشغلہ دوسرا ہے، مجھے زاہد وشیخ سے کیا مطلب؟ میرا قبلہ اور میرا کعبہ کسی اور کا دولت پناہ آستانہ ہے (یعنی میں اپنے مشغلۂ عشق حقیقی میں ریا سے دور ہوں، اور میں نے آستانۂ نبوکو اپنا ملجا بنا لیا ہے)۔