اے مسیحا جان من بیمار اوست

اے طبیب! (تو میری جان بچانے کی کوشش میں ہے، حالاں کہ میری بیماری عشق ہے اور) میری جان اس معشوق (ذات رسالت) کی بیمار ہے (تیری کوشش کامیاب نہیں ہوگی، ہاں اگر) وہ نظر دیکھ لے مجھ کو تو صحت مند ہوسکتا ہوں (کیوں کہ ان کی ایک نگاہ مسیحا اثر ہی میرے مرض کا درماں ہے)۔

اس معشوق (حضرت رسالت) کے لبہائے مبارک خضر کو زندگی بخشنے والے ہیں، اس کے شربت گفتار یعنی شیریں گفتگو میں معجزہ ہے (یہ حقیقت ہے کہ آپ کے شیریں الفاظ اور شیریں بیانی میں وہ حیات بخش تاثیر تھی جو دم عیسی میں نہ تھی)۔

فردؔ کو جنت میں رہنے کی تکلیف نہ دو (اے فرشتو!) محبوب پاک کے دیوار کے سایہ میں اس کے لیے آرام ہے (قرب نبوی مطلوب ہے، بغیر قرب کے جنت بھی منظور نہیں)۔