ساغر بکف جرعہ کش از دور مدام کیستم

1. میں کس کے غیر فانی دور سے ساغر بکف اور جرعہ کش ہوں، خم (مٹکۂ شراب) کے نیچے سر ڈالے ہوئے کس کے جام کا مدہوش ہوں۔

2. سرپر شراب سے بھری مٹکی، جسم خاک راہ سے آلودہ کس کے پیہم دور شراب سے میں بے خود ہوں۔

3. شراب خانے کی خاک میں لتھڑا ہوا، جام جم کے گرد رقصاں، مغاں (شراب خانے کاملک) سے طلب کی امید میں کس کے جام کے شوق میں ہوں۔

4. میں کس کے چہرے کا دلدادہ اور کس کی زلف کا پریشاں ہوں۔ کس کی گلی کا آوارہ ہوں، کس کے نام کا رسوا ہوں۔

5. پورا جسم ایک زبان بن گیا ہے، جسم کا ہر بال زبان ہے۔ کس کے نام کی یاد میں میرا دل مشغول اور جان مصروف ہے۔

6. اگر چہ ذرے سے کمتر ہوں، روئے محبوب کی محبت نیر (یعنی آفتاب) ہوں۔ ذرہ پرور آفتاب ہوں، آخر غلام کس کا ہوں (یہ بیان کا ایک انداز ہے کہ میں کون ہوں کس کا ہوں اور یہ لطیف تجاہلِ عارفانہ ہے جس میں شاعر نے بالواسطہ یہ بتایا ہے کہ یہ کسی کا فیض ہے اور کوئی میرا محبوب ہے اور میری ہر کیفی اس کی محبت اور توجہ کی وجہ سے ہے۔ یا تو ذات رسالت مرد لی جائے یا شاعر گرامی کے پیرو مرشد طریقت حضرت سیدنا شاہ بدرالدین قادری مراد ہوں)۔