اے تیرِ غمت را دلِ عشاق نشانہ

اے وہ ہستی کہ تمہارے درد و غم کے تیروں نے عاشقوں کے دل نشانہ بنا رکھے ہیں، ساری مخلوق تمہارے پیچھے لگی ہوئی ہے اور تم ہو کہ بیچ سے غائب ہو۔

میں مجنوں کی طرح دربہ در اور گھر گھر پھرتا ہوں کہ شاید اسی بہانے کہیں لیلی کا دیدار ہی نصیب ہو جائے۔

میں کبھی مسجد میں اعتکاف کرتا ہوں اور کبھی مندر میں قیام کرتا ہوں یعنی گھر گھر تمھی کو ڈھونڈتا پھرتا ہوں۔

حاجی کعبے کے راستے کا مسافر ہے اور میں دیدار کا طالب ہوں، وہ گھر کی تلاش میں سرگرداں ہے اور میں گھر کے مالک کی جستجو میں۔

ہلالیؔ کی خطائیں تمہارے کرم کے بھروسے پر ہی ہوتی ہیں یعنی کہ گناہوں کا اس سے بہتر کوئی بہانہ نہیں ہے۔