دارم دلے اما چہ دل صد گونہ حرماں در بغل

1. میرے پاس دل تو ہے لیکن کس کام کا، سینکڑوں محرومیوں سے بھرا ہوا، خون آلود انکھیں آستین میں چھپی ہیں، اشک اور طوفان زیر بغل ہے۔

1. یارب مجھ کو کوئے قاتل سے ثابت قدمی کے ساتھ گزار دے، میں تو سر بگریباں (سر جھکائے ہوئے) اور اس کی بغل میں ننگی تلوار ہے۔

1. ادائے معشوقانہ کے تیر پر مجھ کو ناز ہے کہ جس کے آزار کی لذت نے دل کے زخموں سے بھی تیر ادا کی نوکیں چرالیں اپنی بغل میں (یعنی رہ رہ کر کسک ہوتی ہے)۔

1. قیامت کے دن ہر شخص کے ہاتھ میں اس کا نامۂ عمل ہوگا، میں بھی حاضر ہوں گا اس حال میں کہ تصویر جاناں بغل میں ہوگی۔

1. میں نہیں جانتا قدسیؔ کہ جزا و سزا کے بازار میں کیا ہوگا؟ میں اتنا ہی جانتا ہوں کہ محبوب ازلی (حق تعالیٰ) کے ہاتھوں میں مغفرت و بخشش کی نقدی ہوگی اور میرے بغل میں جنس عصیاں کا دفتر ہوگا۔