خود تجلی کرد بر خود آں بت عیار ما

ہمارے اس بت عیار نے خود اپنے آپ ہر اپنی تجلی دکھائی، پھول جیسے چہرے والے ہمارے محبوب کی صورت وہ خود اپنے حسن کا گواہ بن کر آیا۔

اپنے حسن کو دیکھنا حسن کا تقاضہ ہوتا ہے، ہمارے اس دعوے کے گواہ کی حیثیت سے چاند اور سورج کو آئینے میں دیکھو۔

اے خدا یہ چہرہ (چہرۂ انوار رسول)کوئی روشن نور ہے یا کوئی طلسم، اور جادو کہ جس کے جادو کے منتر سے ہمارا ہوشیار دیوانہ ہو گیا (عقل نے اپنے ہواس گم کر دیئے)۔

ان کے زلف معنبر مشک کے گیسو ہیں یا کوئی عطر کی دکان، کہ جس کی دلاویز و مسحور کن خوشبو سے ہمارے عطار کا مشام معطر ہو گیا۔

اس نے اپنے حسن کو نہ چھوڑا تا کہ وہ ما سوا کی طرف متوجہ ہو، تا کہ ہمارا وہ خوش خرام محبوب ہماری طرف آئے۔

ہاں کہ مجملاً اس نے ایک نگاہ ہماری طرف بھی کی تھی، اگرچہ اس نے استثنا کے ساتھ ہمارے سامنے ظہور نہیں کیا تھا۔

ہم اس کی ذات میں اس طرح گم تھے جیسے دودھ میں روغن،

وہ اپنے راز کو دیکھ رہا تھا اور ہمارے رازوں کی پردہ داری کرنے کے لئے آیا۔

ظہور کی مملکت کے راستے وہ ازل میں برق کی طرح گذرا، اس نے اجمالی پر ہمارے اس بازار(دنیا) کے نقد و جنس کا مشاہدہ کیا۔

اس کی ذات کے تخم میں شاخ و برگ اور پھول شامل تھے، خود اپنا تماشہ دیکھنے کے لئے اس نے ہمارے چمن کی سیر کی۔

غیب کے گوشے میں بغیر کسی تشخص و تعین کے اس کی ذات پوشیدہ خزانہ تھی، اسرار کا ہمارا وہ خزانہ دنیا میں تشخص و تعین کے ساتھ ظاہر نہ ہوا۔

اس نے اپنے نور کا ایک جلوہ دکھایا اور (اس کا) نام احمد رکھا، پس ہماری اس بات کی بنا پر احمد ہی احد ہوا۔

تعین و تشخص سے میں نے اول اور وحدت کا بیان کیا ہے، اے نیازؔ ہمارے اس قیمتی موتی کو اپنے کانوں میں سمو لے۔