بہر دم حضوری خدا خوشتر ست

ہر پل خدا کی عبادت و ریاضت میں مصروف رہنا ہی بہتر ہے اور خدا کی رضا پر سر تسلیم خم کرنا ہی بہتر ہے۔

نفس امارہ کو ہمیشہ قابو میں رکھو کیوں کہ اس کی اطاعت اور شیطانی عمل سے دوری میں ہی فلاح و بہبود مضمر ہے۔

دل کو ہر پل خدا کی یاد سے آباد رکھو کیوں کہ خدا کی عبادت و ریاضت ہی احسن ترین عمل ہے۔

دوست کی صحبت کا جو لمحہ بھی میسر آ جائے اسے غنیمت جان، اس مختصر فرصت میں عجز و نیاز اور دعا ہی بہترین عمل ہے۔

اے دوست! اگر حالات اجازت دیں تو ناداروں اور محتاجوں کی ضرورتوں کو پورا کرنا ہی پسندیدہ ترین فعل ہے۔

اگر ایک لمحہ کے لیے بھی خلوص و اخلاص کی دولت ہاتھ آ جائے تو اس سے بھرپور استفادہ کرو کیوں کہ یہ دولت تمام دنیاوی خزانوں سے بہتر ہے۔

حق کی راہ پر دل و جان سے گامزن ہو جاؤ اور اس راہ میں نالہ و زاری بہت پسندیدہ عمل ہے۔

خدا کی رضا و خوشنودی کے لیے خود کو فنا کردو اس کے بعد ہی ابدی و دائمی زندگی کا حصول ممکن ہے اور یہی زندگی ہی بہتر و برتر زندگی ہے۔

محبوب کی خاطر عثمانؔ کی طرح جانثاری و فدا کاری میں عجلت کا مظاہرہ کرو کیوں کہ یہ عمل جہاں کی تمام لذتوں سے بہتر ہے۔