گوہر توئی از کان ما دیگر چہ می خواہی بگو

ہماری کان میں سے تو ہی موتی ہے، اس کے علاوہ تو اور کیا چاہتا ہے، تو اس ہستی کا نور ہے، اس کے علاوہ تو اور کیا چاہتا ہے بتا دے۔

میں تیرے ہی حسن و جمال سے خوبصورت ہوں اور تیرے ہی عشق سے ظاہر ہوں اور تیرے ہی لیے مشتاق ہوں، اس کے علاوہ تو اور کیا چاہتا ہے بتا دے۔

اگر حق جہاں میں نہیں ہوتا تو سب بے نام و نشان ہوتے، میں نے اپنی وصف سے سب ظاہر اور واضح کر دیا، اس کے علاوہ تو اور کیا چاہتا ہے بتادے۔

میں جہاں بھی جاتا ہوں تجھ سے ہرگز جدا نہیں ہوں، میں جس جگہ بھی ہوتا ہوں تیرے ہی ساتھ جڑا ہوتا ہوں، اس کے علاوہ تو اور کیا چاہتا ہے بتا دے۔

عشق کے علاوہ ہمارا کوئی کام نہیں تھا، شراب کے سوا ہمارا کوئی یار نہ تھا، ساقی ہمارا خمار تھا، اس کے علاوہ تو اور کیا چاہتا ہے بتا دے۔

اے خریدار! میرا بازار سوغاتوں سے بھرا ہوا ہے تو اس میں سے عشق کے سوا اور کچھ خرید نہ کر، اگر تو نے مے خریدی ہے تو پھر اسی طرح عشق بھی خرید کر، اس کے علاوہ تو اور کیا چاہتا ہے بتا دے۔

اے ہمارے دلدار! ہمارے بازار میں تو عشق کے سوا کچھ اور فروخت ہی نہ کر کیوں کہ ہمارے پاس عشق کے سوا اور کچھ روا ہی نہیں ہے، اس کے علاوہ تو اور کیا چاہتا ہے بتا دے۔

یہ اسرار معلوم کر، اس کے سوا کوئی اور چیز دینے سے اپنی نگاہ کو محفوظ رکھ، ہر غیر کو اپنے آپ سے دور کر دے، اس کے علاوہ تو اور کیا چاہتا ہے بتا دے۔

’’بے شک میں اللہ ہوں‘‘ اس حقیقت کو سن رکھو اور شراب سرخ کا جام نوش کرو اور جو خدا کے علاوہ ہے اس سے پردہ کرو، اس کے علاوہ تو اور کیا چاہتا ہے بتا دے۔

میرے دل میں راہ عشق کے سوا اور کچھ نہیں ہے، اے میرے چاند! میرے محبوب، میری منزل مقصود سے زیادہ دور نہ ہو، اے میرے بادشاہ! مجھے تیرے عشق کے سوا اور کچھ نہیں چاہیے، اس کے علاوہ تو اور کیا چاہتا ہے بتا دے۔

میں نے ہر طرح کی نقاشی کی ہے، پُر نور صورت کو میں نے بنایا ہے، دیکھ تو سہی میں نے کیا کیا سجا رکھا ہے، اس کے علاوہ تو اور کیا چاہتا ہے بتا دے۔

جو ’’ثم وجہ اللہ‘‘ کا بیان ہے، تیرا دیا ہوا وہ نشان میں رکھتا ہوں اور اس راز کو تو نے میرے چہرے میں ظاہر کر دیا ہے، اس کے علاوہ تو اور کیا چاہتا ہے بتا دے۔

اے میرے محبوب! تو نور علیٰ نور ہے، اس نور میں تیری ذات کو یہی منظور ہے اور جو میرا نور ہے اصل میں وہ تیرے ہمی نور میں سے ہے، اس کے علاوہ تو اور کیا چاہتا ہے بتا دے۔

میں نور کو صورت بخشتا ہوں اور اس کے چہرے پر قانون کی مہر لگاتا ہوں، اس چہرے کو دیکھیں تو سہی وہ اس جگہ پر میں ہوں، اس کے علاوہ تو اور کیا چاہتا ہے بتا دے۔

میرے چہرے کے علاوہ کسی اور کو نہ دیکھ اور نہ کسی دوسری مجلس میں بیٹھو، میوے کے علاوہ کچھ اور نہ چنو، اس کے علاوہ تو اور کیا چاہتا ہے بتا دے۔

اے راجا! تو خود کو فراموش کر دے، اپنے آپ کو عشق میں مٹا دے، ممانعات اور فضول کھیل تماشوں کو ترک کر دے، اس کے علاوہ تو اور کیا چاہتا ہے بتا دے۔