چہ بندی دل دریں نابود آخر

اس فانی دنیا سے دل نہ لگاؤ کیوں کہ اس سے نہ منزل حاصل ہوگی اور نہ ہی آرام و سکون ملے گا۔

یہ دنیا تو ایک لین دین یعنی کاروباری معاملہ ہے اور یہ جو کچھ دیتی ہے آخر جلد ہی چھین لیتی ہے۔

ایک سچا عاشق اس فانی دنیا سے دل نہیں لگاتا جس نے ایسا کیا وہ آخر ناکام و نامراد ہوا ہے۔

یہ دنیا کافروں کا ٹھکانہ ہے، معبود حق کے پرستاروں کے لیے اس میں کوئی رغبت نہیں ہے۔

اگر یہ فانی دنیا سراسر خزانے میں بدل جائے تو بھی آخر کار یہ خزانہ زہر آلود ہوجائے گا۔

اگر تو مرد حق ہونے کا دعویٰ کرتا ہے تو پھر دنیا سے یہ لگاؤ کیسا ہے، اس مشکلات اور مصائب بھری جگہ سے کبھی خوشحالی و سرور حاصل نہ کر سکو گے۔

محبوب کی خاطر تو اپنا دل و جان قربان کر دے تاکہ کامیابی کا جلد حصول ممکن ہوسکے۔

اس پر آشوب دنیا میں فراغت کا ایک لمحہ بھی میسر نہیں آئے گا، غور کرو کہ یہ دنیا انسان سے اس کا تمام سرمایہ چھین لیتی ہے۔

اسے عثمان! آؤ اور دل سے دنیا کی محبت کو نکال دو اگر تم دنیا سے خیر و فلاح کی توقع رکھتے ہو۔