بیاد حق دلا می باش ہردم

اے دل! یاد سے ہر لمحہ دل کو آراستہ رکھ اور ہر وقت اسی کام میں مشغول رہ۔

خود کو حق کی خاطر فنا کرنے کے لیے ہمیشہ تیار رہ کیوں کہ اسی طرح بقائے دائمی حاصل ہوگی۔

اس کے حکم ہر پر سر تسلیم خم کر دے اور ہر لمحہ اس کی رضا کو حاصل کرنے کی کوشش کر۔

ہر حال میں خدا پر توکل رکھ اور اس کے بعد پھر غیر اللہ سے کنارہ کشی اختیار کرلے۔

خدا پر کامل یقین رکھ، اس کے بعد امان ہی امان ہوگی۔

اپنا تمام تر سرمایہ اس کی راہ میں قربان کردے، ہر لمحہ اس سے وفاداری کے پیمان کی تجدید کرتا رہ۔

درد عشق میں ہمیشہ غمگین و رنجیدہ خاطر رہ اور اس کے درد و رنج میں ہر لمحہ شفا و تندرستی کو تلاش کر۔

غیراللہ کی دوستی سے پرہیز کر اور ہر لمحہ قلب کی صفائی کا خیال رکھ۔

راہ عشق کے غم کو خدا کی عطا و عنایت جان اور ہر لمحہ بخشش و عطا کا خریدار بنا رہ۔

دوست کی بارگاہ میں ہر وقت حاضر ہر اور اسی کے حسن کا گرویدہ بنا رہ۔

عشق کی خاطر ہر پل اپنی جان قربان کرنے کے لیے تیار رہ، صف آہ و زاری پر اکتفا کافی نہیں۔

عشق الٰہی کی خاطر نیند اور کھانا پینا سب کچھ فراموش کردے، روشنی ہو خواہ تاریکی ہر جگہ گذارا کرنا سیکھ۔

ہر لمحہ اپنا حساب کرتے ہوئے خود کو لعنت و ملامت کرتا رہ تاکہ دائمی سلامتی حاصل ہو۔

اے عثمان! نفسانی لذتوں کو ترک کردے، اسی کے بعد ہی دائمی بقا حاصل ہوسکے گی۔