ہمیشہ مرد عاشق بے قرارست

عاشق ہمیشہ بے قرار نظر آتا ہے اور نوبہار کی طرح ہمیشہ گریہ و زاری میں مصروف رہتا ہے۔

جو عاشق نہیں وہ انسان نہیں ہے بلکہ اس کی حیثیت پہاڑ کے پتھر کی سی ہے۔

عاشقوں کے پاس دنیاوی ساز و سامان نہیں ہے، در اصل ان کو ان دنیاوی چیزوں سے کوئی سروکار نہیں ہے۔

آؤ! اس عشق بازی میں جان سے ہاتھ دھوئیں کیوں کہ عاشق و مست لوگوں کا کام ہی جانثاری ہے۔

اگر تو عاشق نہیں ہے تو اس درگاہ سے فوراً نکل جا کیوں کہ ایک کتے کا مساجد سے کیا سروکار۔

عاشقوں کی محفل میں آ اور دیکھ کہ ہزاروں لوگ جان سے ہاتھ دھوئے تختہ دار پر آویزاں ہیں۔

جس محفل میں مست و عاشق مے نوشی کرتے ہیں ان کے سامنے دو جہانوں کی ایک تنکے کے برابر بھی اہمیت نہیں ہے۔

اگر عاشق کو سو بار بھی اپنے در سے دھتکارو گے تو وہ پھر لوٹ آئے گا، اس لیے کہ وہ اس در کا سچا عاشق ہے۔

صرف میں ہی اس ذات حقیقی کا عاشق نہیں بلکہ ہر گوشہ میں ہزاروں کی تعداد میں مجھ جیسے لوگ موجود ہیں۔

عاشق کو ہر سانس کے ساتھ موت سے روبرو ہونا پڑتا ہے، اس لیے عاشقی کی راہ کو آسان نہ سمجھو۔

عثمانؔ آ اور محبوب کی خاطر اپنی جان کو قربان کردے کیوں کہ جان کی قربانی ہی مردانگی کی علامت سمجھی جاتی ہے۔