من آں نور و جودم خودبخود موجود بودستم

میں وہ نور ہوں کہ خود بخود وجود میں آیا ہوں، اپنی ذات کے نور میں خود شاہد اور خود مشہود ہوں ( یعنی عاشق ومعشوق)۔

میں وہ نقطۂ وحدت ہوں کہ خود اپنی ذات کے اندر بکثرت اپنے کو دیکھنے والا کھینچا ہوا خط ہوں۔

میں ہی اول ہوں، میں ہی آخر ہوں، میں ہی ظاہر ہوں، میں ہی باطن ہوں۔ میں ہی ممکن ہوں، میں ہی واجب، میں ہر موجود میں ہوں۔

ہمارا لباس آخری جمال احمدی میں دیکھو کہ میں ہی احمد محمد حامد اور محمود ہوں۔

میں اپنا راز کیا کہوں؟ میں فرد تھا نصرؔ کیسے ہوگیا۔ اگرچہ میں والد ومولود کے (رشتہ) سے بری ہوں۔

میں فرد کے بحر معنائے دل کا وہ قیمتی موتی ہوں کہ اپنی جان میں رشتۂ الفت سے بندھا ہوا ہوں۔ (یہ اشعار وحدۃ الوجود کے ہیں، تشریح وتفہیم کی گنجائش نہیں ہے)۔