Ahsan-ul-Qasas (Qissa Yousuf Zulaikha) آس دی کلی دا پھٹنا . 15 زلیخا دا تیجی وار سفنہ دیکھنا
Ahsan-ul-Qasas (Qissa Yousuf Zulaikha) آس دی کلی دا پھٹنا . 15 زلیخا دا تیجی وار سفنہ دیکھنا
غلام رسول عالم پوری
MORE BYغلام رسول عالم پوری
آس دی کلی دا پھٹنا . 15
زلیخا دا تیجی وار سفنہ دیکھنا
برس پچھے اک رات زلیخا، رو رو کردی زاری ۔
جھّل پیا سو غم دا جھولا، صبر قراروں ہاری ۔
........................................................
تاں وچ سفنے تیجی واری، شکل اوہا دس آئی ۔
شوق جدھے نے ہوش لٹائی، جان دکھاں وّچ پائی ۔
دیکھ زلیخا پیریں ڈگی، کر کر گریازاری ۔
واہوا سچیا قولاں والیا، عشقَ تیرا ہے بھاری ۔
پہلے نام ٹکانا اپنا، مینوں دسّ شتابی ۔
پڑھ پڑھ نام تیرا دم کرساں، چکے دلوں بے تابی ۔
ہیں توں کون کتھے گھر تیرا، جگ وچ کی سداویں ۔
آکھ جواب سوال میرے دا، پھیر متا چھل جاویں ۔
فرمایا جے تدھ زلیخا، ایہا دل دا بھانا ۔
میں ہاں آپ عزیز مصر دا، میرا مصر ٹکانا ۔
ایہہ گّل آکھ گیا اوه اوویں، چھٹی جان عذابوں ۔
پہ پھٹی گّم گئے ستارے، خلق اٹھی سبھ خوابوں ۔
بیٹھی اٹھ زلیخا خوابوں، دل نوں پیا سہارا ۔
غمی گئی دل شادی آئی، چمکیا بخت ستاره ۔
............................................................
کرے پکار کنیزاں تائیں، سبھے حاضر آئیاں ۔
کہے زلیخا راتیں خوابے، ملیاں نور صفایاں ۔
باپ میرے نوں کہو بشارت، آن زنجیر اتارے ۔
کھلھ گئے اج میرے دل تے، راز عقل دے سارے ۔
.......................................................
نت زلیخا خوشیاں اندر، کردی عیش بہاراں ۔
دن دن خوشی دلے وچ تازی، تے امید ہزاراں ۔
نال عزیز مصر دے میری، ماپے کرسن شادی ۔
عمر گزاراں نال بہاراں، ملے غموں آزادی ۔
.......................................................
مصری لوک سخن دے پورے، ولاں چھلاں تھیں خالی ۔
مصر وسیواں، سبھ تھیں چنگا، رات دنے خوش حالی ۔
........................................................
ایویں روز خوشی وچ گزرن، نت ایہو ورتارا ۔
کھاوے پیوے تے سکھ سوویں، پہنے زیور سارا ۔
میں قربان تیرے آ اشکا، عقل بھری متوالی ۔
اج اگھاڑ ویکھاں کجھ ظاہر، رمز عزیزاں والی ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
