Ahsan-ul-Qasas (Qissa Yousuf Zulaikha) حضرت یعقوب دا چلانا کرنا . 32
Ahsan-ul-Qasas (Qissa Yousuf Zulaikha) حضرت یعقوب دا چلانا کرنا . 32
غلام رسول عالم پوری
MORE BYغلام رسول عالم پوری
حضرت یعقوب دا چلانا کرنا . 32
مڑ ناکا دھر قدم پچھاڑی، چل ول دیس پرانے ۔
سفری نے مڑ وطنی جاندے، جتھ ہمیش ٹکانے ۔
.........................................................
نہیں وفا وچ بعد-بہاریں، پئیاں جگت پکاراں ۔
سدا ن باغیں بلبل بولے، سدا ن باغ بہاراں ۔
.........................................................
حکم ہویا جاه جبرائیلا، پاس نبی کنیانی ۔
دے خبراں دن نیڑے آئے، چھوڑ وسیواں فانی ۔
چھوڑ مصر چل ول کنانے، جتھے وڈے سمائے ۔
تن تنہا اسواری ناکا، ہور ن نال لے جائے ۔
......................................................
چل پیغام جنابوں آیا، دنیاں چھوڑ نکاری ۔
چل ول ملن دیاں آساں، حکم ہویا غفاری ۔
..........................................................
یوسف تائیں صد پدر نے، حکموں خبر سنائی ۔
فرزندا شہنشاه طرفوں، میں ول چٹھی آئی ۔
......................................................
توں فرزندا دائم وسیں، جنت دے گلزاریں ۔
دن کائی ہن پیا وچھوڑا، دل تھیں ن وساریں ۔
.......................................................
یوسف عرض کرے میں تینوں، ملاں اگے یا ناہیں ۔
نبی کہے ہر مومن تائیں، مومن ملے اگاہیں ۔
.......................................................
مینوں حکم ہویا کنانے، مصر حصے تیں آیا ۔
مالک میرے میرے تائیں، ایہا حکم پہنچایا ۔
ایہہ گل کہ منگوائی ناکا، کیتی ترت سواری ۔
لے چل مینوں وچ کنانے، حکم گیا ہو زاری ۔
یوسف روندا گیا پچھاڑی، زخم دلے وچ کاری ۔
ہتھیں ٹور مڑے سبھ بیٹے، کردے گریازاری ۔
...........................................................
تے یعقوب گیا اٹھ اک ول، قبر ڈٹھی وچ راہے ۔
اظفر مشک امبر دی بوؤں، جوش جھلیندے آہے ۔
مرد ڈٹھا اک سوہنی صورتَ، آہا قبر کنارے ۔
سوہنی قبر کہو کہ کسدی، نبی سوال گزارے ۔
اس کہیا اک نبی خدا دا، فہم بلند رکھاوے ۔
تے اوه مرد پیارا ربّ دا، اس قبرے وچ آوے ۔
ہتھ اٹھا یعقوب نبی نے، عرض کیتی دربارے ۔
یا ربّ قبر ایہا میں لبھے، ہوون مقصد سارے۔
ہاتف کرے پکارا وڈا، نبی سنے خود کنی ۔
رحمت نال نبیا تیری، عرض جنابے منی ۔
شاد ہویا پیغمبر سن کے، خوشی مرادوں پائی ۔
آہا مرد جو حاضر اوتھے، عزرائیل ایہائی ۔
......................................................
حکموں جبرائیل مصر وچ، اوویں خبر پہنچائی ۔
اے یوسف یعقوب جہانوں، کر کے کوچ گیا ای ۔
......................................................
کتنے روز مصر دے اندر، رہی دکھاں دی زاری ۔
صبر پیا دل مدت پچھے، کردے شکر-گزاری ۔
اس دنیاں وچ آون-جاون، رہیا طریقہ زاری ۔
آخر حسرت تے پچھتاوا، اس بزائت بھاری ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
