Ahsan-ul-Qasas (Qissa Yousuf Zulaikha) زلیخا تے اس دیاں سئیاں . 13
Ahsan-ul-Qasas (Qissa Yousuf Zulaikha) زلیخا تے اس دیاں سئیاں . 13
غلام رسول عالم پوری
MORE BYغلام رسول عالم پوری
آپ زلیخا عشقَ لکاوے، دل دا بھید چھپاوے ۔
پر ایہہ کویں چھپایا جاوے، کد پردے وچ آوے ۔
وچے وچ دل لامبو لاوے، دھوآں نہ دکھلاوے ۔
جے اوه دھوآں ن دکھلاوے، لاٹ کڈھے چھٹ جاوے ۔
برہوں ویل لگی وچ تن دے، اشکوں پانی لایا ۔
ایہہ ودھ سر چڑھ گئی درختیں، حاَل سبھا دس آیا ۔
کدے کدائیں سئیاں ڈٹھے، نین دو نہراں وگدے ۔
ہتھ پلو ایہہ بیٹھی پونجھے، چھری گھتی وچ رگ دے ۔
کدے کداہیں آہیں بھردی باندیاں نوں دسّ آئی ۔
ٹھنڈے ساه بھرے تے جاپے، اسدا راز کیائی ۔
کدے کدے وچ ادھیاں راتیں، وین سنے ہمسایاں ۔
ڈٹھی کدی سروں سر پٹدی، کاریہاریاں داعیاں ۔
سئیاں دیاں چمیگوئیاں
اک کہیا سو سوہنی وڈی، اسدا حسن دلارا ۔
چشم گئی کر زخم کسے دی، روگ ایہا سو بھارا ۔
.........................................................
اک بولی کسے جادو کیتا، ویری نے کٹّ جڑیاں ۔
دیَو پری دا سایہ ہوسی، ہور کہن دو کھڑیاں ۔
کجھ بیماری ہوگُ نہانی، اک ایہا فرماوے ۔
اک کہے بن عشقوں مینوں، کائی نظر ن آوے ۔
.....................................................
دوجی کہندی سچ ایہا ای، پر توں تھوڑھی بھلی ۔
ایہہ کا خوابے وچ خیالے، عشقَ اندھیری جھلی ۔
......................................................
دائی اک سیانی سبھ تھیں، واقف ولاں چھلاں دی ۔
مہرم مڈھوں ایہناں گلاں دی، سیونہار سلاں دی ۔
ٹٹے جوڑ دکھاوے شیشے، وچھڑیاں نوں میلے ۔
چھڑک گلاب گیاں نوں ہوشوں، بخشے سرت سویلے ۔
......................................................
تے اس آپ جوانی ویلے، خوشیاں ذوق ہنڈھائے ۔
سیاں جیاں دے نظروں بیڑے، روہڑ گھتے دریائے ۔
ول چھل برہوں دے سارے، تے سبھ درد دلاں دے ۔
اسنے نرمیاں گرمیاں والے، ڈٹھے وقت وہائی ۔
زلیخا تے دائی
جا بیٹھی اوه پاس زلیخا، گھول گھتی میں واری ۔
اے میری فرزند پیاری، سن کے گریازاری ۔
حاَل تیرا میں ظاہر ڈٹھا، دیکھ جلے دل میرا ۔
توں اوه مینوں نظر ن آویں، ن اوه چالا تیرا ۔
......................................................
شیر میرے تھیں وڈی ہوئیؤں، مہر میری وچ پلیؤں ۔
سچ کہ راز چھپا ن میں تھیں، کس آتش وچ جلیؤں ۔
.........................................................
دسّ زلیخا رکھ ن پڑدا، کراں تیری غمخواری ۔
تے جے حاَل ن کہیں زبانوں، کون کرے تدھ کاری ۔
میرے نالوں ودھ پیاری، کون کوئی ہے تیری ۔
تیجا ہور نہیں وچ کائی، میں تیری توں میری ۔
جے توں مینوں درد ن دسیں، انت دسیں کس تائیں ۔
بھید اگھاڑے باجھ زلیخا، ہون ن دور بلائیں ۔
بھید دلے دا کھوہل پیاری، کر کاری دکھلاواں ۔
جے اوه پنچھی چوغا پا کے، تیرے دام پھساواں ۔
تے جے ہوگ فرشتہ کائی، بہاں وچھا مصلا ۔
لاه اسمانوں نال دوائیں، تیری کراں تسلا ۔
......................................................
سارے درد گنے بہہ دائی، ویدن ہور سنائی ۔
تے اسدے دکھ کٹنے کارن، سو تدبیر بنائی ۔
زلیخا دا بھید کھولھنا
گپّ شڑپّ جو دائی والی، سنی زلیخا ساری ۔
پئی امید جو روون لگی، درد میرے دی کاری ۔
.........................................................
ن پچھ ماں میں کی کجھ دساں، کسدا نام سناواں ۔
کنھ لٹی میں کسنے پھٹی، جرم کدھے سر لاواں ۔
..........................................................
جاں میں ڈٹھا ویکھدیاں ہی، میں ہو رہیاں بردی ۔
دائی پاس زلیخا روندی، رو رو گلاں کردی ۔
وچھڑیاں دا ملن سکھالا، ایہہ اس تھیں دکھ بھارا ۔
جسدا نام نشان ن ظاہر، حاَل کہاں کی سارا ۔
جیوں جیوں سفنے اندر آیا، نازک رمزاں والا ۔
کھوہل زلیخا دائی تائیں، آکھ سنایا ہالہ ۔
دائی دی نصیحت
سن دائی وچ حیرت ڈبی، کجھ سر پیر ن آیا ۔
کجھ تدبیر ن کھلھی ظاہر، انت ایہا فرمایا ۔
بسّ دھیا چھّڈ وہمی جھیڑے، مفت ن مر ہو کملی ۔
ایڈ خیالیں خوابیں ڈبدے، مست افیمی عملی ۔
............................................................
جھوٹھی خواب ایہا ای بیبی، اس وچ سچ ن بھورا ۔
کھاون پیون چھوڑ دتوئی، کیوں گیا چکّ زورا ۔
زلیخا دا اشاره
کہے زلیخا جھوٹھیاں تائیں، آون جھوٹھیاں خواباں ۔
میں سچی دی خواب ن جھوٹھی، جھوٹھے پلے کزاباں ۔
....................................................
وہم وچارا نقش اجیہے، کد گھڑ سکے کداہیں ۔
عکس سفاتِ-حسِن تک جسدے، خود اڈ سکدا ناہیں ۔
..........................................................
دائی کہے نہیں جے جھوٹھی، تاں بھی ہتھ ن آوے ۔
ہتھ ن پہنچے جس مطلب نوں، جھبّ عاقل ہٹ جاوے ۔
...........................................................
دیکھ دکھاں دا دوزخ بلدا، دوڑ گئی اٹھ دائی ۔
جا تیموسے حاَل سنایا، غم دی چھری وگائی ۔
سن تیموس پیا وچ حیرت، نیر چھٹے خود دھانا ۔
جے ہے عشقَ سچا دکھ دیسی، ہوسی زخم پرانا ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
