Ahsan-ul-Qasas (Qissa Yousuf Zulaikha) زلیخا دا پرسنگ . 12
Ahsan-ul-Qasas (Qissa Yousuf Zulaikha) زلیخا دا پرسنگ . 12
غلام رسول عالم پوری
MORE BYغلام رسول عالم پوری
زلیخا دا پرسنگ . 12
شاه تیموس بڑا سدواوے، مغرب وّچ دیارے ۔
مشتری درے فلک دا خادم، اس دی ٹہل گزارے ۔
.........................................................
اک دختر اس نان زلیخا، پور انوار صفائی ۔
حوراں اس دیاں خدمتگاراں، پریاں چیز ن کائی ۔
تیموسے نوں بہت پیاری، ویکھے سو سو واری ۔
اس دی خدمت خاطرداری، اسدی فرحت بھاری ۔
نازیں پالی خوشیاں والی، غموں ن پئیاں ساراں ۔
تے وچ عشرت عیش بہاراں، کردی ناز ہزاراں ۔
داعیاں گود کھلیندی نازک، عمر پنی ستّ سالے ۔
ودھ ودھ مارن تاریاں تائیں، نین دو نازاں والے ۔
لئبتبازی رات دناں وّچ، کار رہی دن کائی ۔
عےدوں بعد برہوں پھٹ گھتی، جاں نیندر وّچ آئی ۔
ہو چکیاں اوه ناز بہاراں جاں اک رات دسائی ۔
پھر سائت ہر گزری جاندی، نظر قیامت آئی ۔
زلیخا دا برہوں-سٹہوں کھانا
پئی زلیخا نیندر اندر، دل دے پڑدے کھلھے ۔
جھل دلا کجھ ہوون لگا، زخم وجے تن ڈلہے ۔
اچاچیت جوان ڈٹھا سو، واه قربان جوانی ۔
لٹکے زلف زنجیراں والی، نور ورھے پیشانی ۔
داغ کھلھا وچ بدر دساوے، اس وچ داغ ن کائی ۔
زلف رسن وچ بازیگریاں، ول ول آفت چھائی ۔
......................................................
غبگب وچ زقن دے ڈونگھا، جھلک پوے وچ نوروں ۔
ساری صورتَ مورت نوری، عیبوں پاک قصوروں ۔
جدوں زلیخا صورتَ ڈٹھی، ویکھ کہاں کی ورتی ۔
جان رہی پر وہمِ-ستہیر، وه تن وگیا دھرتی ۔
نین لہو بھر آئے سفنے، کھلھی جوش خماری ۔
نازورے دی وچ کلیجے، وگ وگ گئی کٹاری ۔
برہوں پھوک دتا سو لامبو، کجھ سر پیر نہ آیا ۔
سینہ چور کلیجہ ٹکڑے، شور دماغ رچایا ۔
دیکھ تڑپھ جھڑ عقلوں بھلی، عشقَ المبے لائے ۔
ضرب نگاه لگی سر کاری، ٹٹ تران سدھائے ۔
تیز نگاہاں قاتل چشماں، بہ جگر وّچ گئیاں ۔
خون چھٹا ہڑ رڑھی زلیخا، کنھے ن خبراں لئیاں ۔
سفنے ڈٹھوسُ شوئلا نوری، وقت غماں دے آئے ۔
پھر اوه حالے اول والے، کد سفنے دسّ آئے ۔
.........................................................
بھلا ہندا میں سوندی ناہا، وسّ نہیں پر کائی ۔
اکا دھار ترٹھی رمزوں، چا وچ دم تڑپھائی ۔
چلا گیا من موه پیارا، رہیا رجھیواں بھارا ۔
بوٹا بیج گیا وچ دل دے، جسدا تخم نیارا ۔
دم وّچ شاخ جڑھاں چھّڈ چلیاں، گٹھ گٹھ لمیاں سولاں ۔
نوکاں تیز کٹاریاں ظالم، ڈنگن جان ملولاں ۔
پور پور خار تے برگ ن میوه، بیکھ وگی تھاں پکے ۔
کئی تبر لکھ واہاں لاون، شاخ ن ہن ٹٹ سکے ۔
..........................................................
سو سو واری نیندر اندر، غشیاں پے پے گئیاں ۔
فجر ہوئی سو جھس جھس تلیاں آن جگائی سئیاں ۔
.........................................................
ظاہر شرم ن بولن دیوے، چا منہ ہتھ وگاوے ۔
تے اندر وچ ظالم برہوں، غم دی ٹھاٹھ چڑھاوے ۔
........................................................
اندر سپّ سمندر تھلے، موتی راز نہانی ۔
وّچ پتھر جیوں اگّ المبا، حاَل گھتے زندگانی ۔
.......................................................
دن سارا وچ غم دلگیری، آہیں نال وہایا ۔
سورج ڈبا تارے نکلے، کھیتیاں جھلمل لایا ۔
پہلی رات جو قبرے والی، سر اسدے تے آئی ۔
منکر اتے نکیر غماں دے، حاضر سوز جدائی ۔
باندیاں رخصت ہو ہو گئیاں، ہور سہیلیاں سبھے ۔
رہی زلیخا درداں لٹی، صبر گواچا لبھے ۔
...................................................
کدے سرہاندی کدے پواندی، لٹّ لٹّ غشیاں کھاندی ۔
صبر قرار ن آوے دل نوں، نین ملے کرلاندی ۔
.......................................................
وین ن مکے نین ن سکے، چین ن ڈھکے نیڑے ۔
غم دیاں آہیں کھٹدیاں ناہیں، کیتیاں غم دے جھیڑے ۔
........................................................
اٹھ سویرے اکھیں دھوئیاں، اشکوں میل اتاری ۔
پانی بکّ الار دو رخ تے، کیتی پرده داری ۔
مت کو ویکھے وہندیاں اکھیں، راز متاں کھل جاوے ۔
لب ہسدے وچ باطن رووے، دل نوں صبر ن آوے ۔
......................................................
ایہا حاَل رہیا دن کائی، ایہا درد جھوریواں ۔
ایہو دن تے ایہو راتاں، ایہو نت سڑیواں ۔
.................................................
ہن غم دل تے جوش لیائے، جھّل دکھاں دی وائے ۔
رنگ برہوں دے تد سوہاندے، جاں پرده اڈ جائے ۔
پردیاں دے وّچ ایہہ رنگ خونی، رہن ن مول دبائے ۔
پردے جان رنگے اس رنگوں، پھیر ن چھپن چھپائے ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
