شیئاً للہِ شاہِ جیلاں اعطنی

شاہِ جیلاں کیجے للہ کچھ عطا

اے معین الدین چشتی اعتنا

ہر زباں سے نغمہ خواں عشقِ مزید

یافرید و یافرید و یافرید

رحم فرما اے سلیمانِ زماں

راہ دکھلا اے نشانِ بے نشاں

المدد اے شمسِ دیں غوث جہاں

فضل کر اے فضلِ دیں کہف اماں

روئے شمس الدیں کا جب ذکر آ گیا

آسماں کے شمس کا بھی سر اٹھا

نور کا چشمہ ہیں خود شمسِ سیال

جو ہیں حقانی و باقی بے زوال

آ فلوں سے ہے منزہ شمسِ دیں

ان کا طغرا لا اُحبُّ الآ فلیں

شرح احساں ذکرِ فیضانِ دوام

پھر کریں گے ان کا اے دل اہتمام

اؤلیاء لبعت گرانِ چیں نہیں

روم کے ہیں یہ تو صیقل کارِ دیں

جب دلوں کو غیر سے کرتے ہیں صاف

آئینوں میں کرتے ہیں باہم طواف

دل کے آئینے میں عکسِ ماہ رو

صاف آتا ہے نظر اور رو برو

آئینے کو غیرِ حق سے پاک کر

تا کہ اس میں روئے حق آئے نظر