سینہ مالا مال در داست و بجوید ہر دمے

سینہ پُردرد ہے اور درد ہی پیہم چاہے

زخم پر زخم لگیں اور نہ مرہم چاہے

قرعۂ فال تو ہے آدمی خاکی ہی کے نام

دل کہاں گِل ہے وہ جو درد کا مرہم چاہے

نوکِ مژگاں سے صبا کہیو کہ پھر زخمی دل

مہرباں تم سا رفوگر ہو تو مرہم چاہے

ہم ازل ہی سے ہیں اس کاکلِ پیچاں کے اسیر

جس کی خوشبو کو فرشتہ بھی نہ کچھ کم چاہے

سُر مگیں آنکھیں بھی ہیں خوب کھلے ابرو بھی

چاہنے والا انہیں املح و ارحم چاہے

والضحیٰ ہے رخِ روشن تو ہیں زلفیں واللیل

روز و شب عشق یہی حسن کا عالم چاہے

ہے فتحنا کا نشاں نصرتِ حق کا ساماں

نغمہ یٰسین کا لعلِ متبسّم چاہے