درخود چونیک دیدم تن نصر و جاں محمد

1. اپنی ذات میں جب میں نے غور کیا تو جسم نصر کا اور جان محمد کی پائی۔ ایک عجیب لذت کا احساس ہوا کہ جسم نصر کا اور جان محمد کی ہے۔

2. میری غفلت کی وجہ سے وہم کا ایک پردہ درمیان میں حائل تھا، جب میں نے پردۂ غفلت کو چاک کیا تو جسم نصر کا اور جان محمد کی پائی۔

3. ان کے لب لعلیں نے ایک دفعہ فرمایا کہ میں نے تمہارے اندر اپنی روح پھونک دی تو اب جسم نصر کا ہے اور جان محمد کی۔

4. جسم وجان کے درمیان جو شعور کا رابطہ تھا، وہ جب میں نے قطع کیا (اور آپ کی روح مبارک کے رابطے کو اپنے اندر محسوس کیا) تو اب جسم نصر کا ہے اور جان محمد کی۔

5. فنائیت و ربط کی اب یہ حالت ہے کہ) جسم نصر کا ہے اور جان محمد کی، جسم محمد کا ہے اور جان نصر کی۔ میں نے دیکھا تو یہی دیکھا، جسم نصر کا ہے اور جان محمد کی۔