مرا بہ پیش وجودت سروجود نماند

1. آپ کے وجود کے سامنے میرا کوئی وجود نہ رہا۔ میرے وجود کا جو حجاب تھا وہ اپنا نہ تھا، وہ نہ رہا (یعنی میرا اپنا وجود بھی آپ کے وجود مبارک کا عکس و پر تو تھا۔ اس لئے جب آپ سامنے آئے تو عکس کی طرح میرا وجود بھی معدوم ہوگیا۔ یہاں ذات نبوی میں حد درجہ کی فنائیت مراد ہے، یا حدیث الخلائق کلھم من نوری کی طرف اشارہ ہے)۔

2. آپ کے تاب حسن کا یہ حال ہوا کہ میں (آپ کو دیکھ کر )ایسا از خود رفتہ ہوا کہ آپ کے جمال باکمال کی تعریف میں بجز آپ پر درود پڑھنے کے کوئی صورت باقی نہ رہی۔

3. میرے آہ ونالہ کے ہجوم نے اس رات آسمان کا رخ کیا تو آسمان کی طرف جانے کی اس کو راہ نہ ملی۔

4. تمہارے وصل کا خیال، اے محبوب! میں محال جانتا ہوں کیونکہ پروانہ جب شمع کے سامنے ظاہر ہوا، سلامت نہ رہا (یعنی جس طرح پروا نے کو وصال شمع حاصل نہیں ہوسکتا کیونکہ قربت شمع تو اس کو جلا ڈالے گی، وصل کے لئے سلامی وجود ضروری ہے، اسی طرح میرے لئے بھی تمہارا وصل ممکن نہیں کیونکہ تمہارا قرب میرے لئے شادی مرگ ثابت ہوگا۔ جب رہوں گاہی نہیں تو وصال کی کہاں گنجائش)۔

5. ہزار شکر ہے اے نور کہ اپنے فرد (جو ان کے والد پیر تھے) کے فیض سے مجھے کیفیت شہودی کے بجائے، کیفیت وجودی ہی حاصل رہی۔