شہ خوبان من رنگیں قبا نازک ادا دارد

میرے محبوب کی قبا رنگین اور ادا نازک ہے

اس کے ہر ایک غمزہ اور ہر ایک عشوہ سے دنیا فتنے میں مبتلا ہے۔

سیکڑوں ناز اور کرشمے کے ساتھ ساتھ اس کے اندر شوخی بھی ہے

عاشقوں کا دل اسکے خرامِ ناز سے پامال ہے۔

پوری دنیا میں اس کے چہرے کی نظیر نہیں ہے، اس کی نظیر ہو ہی نہیں سکتی

میں اس کے حسن کا وصف کیا بیان کروں کہ اس کا حسن کیسا ہے۔

دنیا اس پر فدا اور اس کو مسخر کرنے کے درپے کیوں نہ ہو

اس کا قد موزوں، چہرہ خوبصورت اور اس کا جمال نہایت دل فریب ہے۔

میں ہنستا ہوا رقص کرتا ہوں اور اس کے قدموں میں اپنی جان فدا کرتا ہوں

اگر میرا وہ یار مجھے قتل کر ڈالے تو اس کے لیے یہ بھی روا ہے۔

میں کیسے اس سے شکوہ کروں، میں اس کے ظلم کا ممنوں ہوں کیونکہ وہ قاتل

اپنے عاشقوں کے لیے محبت کے بدلے ظلم و جور روا سمجھتا ہے۔

اشرفیؔ سے مت پوچھو کہ تمہارے عشق میں اس کا کیا حال ہے

اس بیچارہ کے سینے کے اندر لا علاج درد پل رہا ہے۔