سر خفی از مطلع انوار بر آمد نادیدہ عیاں شد

انوار کے مطلع سے پوشیدہ راز طلوع ہوا، ان دیکھا ظاہر ہوا

اپنے ظہور کی خاطر وہ ظاہر ہوا، اپنے جلوے کا ہی دیکھنے والا ہوا

خود اس نے اناالحق کہا اور دار پر چڑھ گیا، دنیا کا سردار ہوگیا

وہ خود ہی انکار کر بیٹھا، منہ کی سزا ہوا

وہ خود ہی پھل دار شاخ پر ظاہر ہوا، انگور کی شکل میں

وہ خود ہی شراب بن کر خمار کے خم سے برآمد ہوا، اورمدہوش کرنے والا بنا

خود ہاتھوں میں تسبیح لئے مسجد میں عزلت گزیں ہوا، مصلیٰ پر

خود ہی میخانے کے دروازے سے مست و بیخود نکلا، اور بیہوش ہی چل پڑا

کبھی وہ درہم اوردینار ہے تو کبھی حور اور جنت، کبھی وہ خود ہی ان سب کا طلبگار ہے

کبھی ان چیزوں سے ہاتھ دھو کر دوست کا متلاشی ہوا، یا اس کا غلام بن گیا

کبھی نور کا شعلہ بن کر طور پر گرا، تاکہ خوف میں مبتلا ہوجائے

کبھی آگ بن گیا اور گلزار کی صورت میں نمودارہوا، جلا اور بجھ گیا

کبھی وہ پاک صحیفہ اور قرآن، کبھی وید اور پران ہے، کبھی تسبیح کا دانہ ہے

کبھی وہ دھاگہ بن کر زنار کی شکل میں ظاہر ہوا، تو کبھی کفر کی پہچان بنا

کبھی وہ نرم دل اور پسندیدہ اخلاق والا ہوا، محمد کی طرح

کبھی وہ ظالم و خونخوار بن کر ظاہر ہوا، ایک زمانے کا قاتل ہوا

وہ کبھی وہ ژالہ، کبھی برف اورکبھی ابر باراں ہے، کبھی وہ ایک بلبلے کی طرح ہے

وہ ایک پل میں دریا میں اترا اور ہموار ہوگیا، وہ وہی تھا جو گم ہوگیا

اس نے نیاز کی شکل میں آکر اس بات کی توضیح پیش کی، غور سے دیکھ

یہ نیازؔ نہیں ہے جس نے یہ باتیں کہیں ہیں، نا سمجھ شک میں مبتلا ہوگیا