زہے عز و علائے منتہائے اوج انسانے

اے واہ آپ انسانی بلندی کی انتہا اور عظمت و تکریم ہیں

آپ یثرب والے نبی اور، نازل ہونے والے قرآن کا مہبط ہیں

آپ عالم کے امیر اور شہر کائنات کے حاکم ہیں

آپ علوی و سفلی کے استاد اور انس و جن کے رسول ہیں

آپ اللہ تعالیٰ کی ذات و صفات کے ظہور کامل ہیں

آپ میرے حبیب، میرے سردار اور اللہ تعالیٰ کے خاص الخاص محبوب ہیں

آپ رحیم، سارے عالم کے لیے رحمت اور، امت کی شفاعت کرنے والے ہیں

آپ کریم، خلق میں سب سے بلند اور سراپا فیض رحمانی ہیں

دنیا کا شبستاں ان کے رخِ انور کے چاند سے منور ہے

ان کے حسن کے شعلے کی چمک سے سورج درخشاں ہے

وہ ایک نگاہ میں دل کے آئینے کو خدا نما بنا دیتے ہیں

اس کے چہرے سے ایک نظر میں وہ امکان کا زنگ رفع کر دیتے ہیں

ایک شان کی تشبیہ کے طور پر اللہ نے خود ان کو محمد کے نام سے پکارا

عرفان و سلوک کے ذوق کے حکم میں محمد اللہ سے جدا نہیں ہیں

اے اللہ! تو نے اس عظیم الشان کو کیسی وسعت عطا کی ہے

کہ حدیث سبحانی کی جگہ انی عبدہ فرمایا ہے

اے نیازؔ اگر تمہارے دل میں ان کا برزخ کبریٰ جاگزیں ہوجائے

تو ابد تک تو کسی پریشانی و حیرانی کا چہرہ نہیں دیکھے گا