ذرہ وارم بہ گرد کوئے مجیب

حضرت پیر مجیب کی گلی کے گرد میں ایک ذرے کی طرح ہوں، پیر مجیب کا چہرہ میرے لئے آفتاب ہے (یعنی میں اس آفتاب کا ایک ذرہ ہوں)۔

ہوش وخرد سے میں گذرا ہوا ہوں، اب سر میں پیر مجیب کی محبت کا سودا ہے (یعنی پیر مجیب کے فیوض باطنی نے مجھ کو ظاہر سے بے گانہ اور باطن سے آشنا کردیا ہے)۔

ہماری نگاہیں گھوم پھر کر حضرت پیر مجیب کی طرف ہی جاتی ہیں کسی اور کی طرف نہیں دیکھتی ہیں، جس طرح قبلہ نما کی سوئی کیسی بھی گھمائی جائے بالآخر اس کا رخ قبلہ ہی کی طرف ہوتا ہے (یعنی میرے لئے ان کی ذات بہ لحاظ طریقت و ارادت مرجع و مآب کی حیثیت رکھتی ہے)۔

عاشق تو اپنے محبوب کے وصال میں مشغول ہیں،

اور اے نصرؔ ہم مجیب کی تلاش میں لگے ہوئے ہیں۔