چنانکہ ہست فلک را دوازدہ تمثال

جیسے آسمان کے بارہ برج ہیں جن کے گرد

سورج گردش کرتا ہے اور مہ و سال کا حساب ہوتا ہے،

اسی طرح ولایت کے آسمان پر بارہ برج ہیں،

اور نبوت کا سورج ان سب پر اپنی کمال کی روشنی ڈالتا ہے۔

یہ بغیر لشکر کے بادشاہ ہیں، اور یہ بغیر تلوار کے سپاھی ہیں،

یہ بغیر خدام کے سلاطین ہیں، اور یہ بغیر مال کےتونگر ہیں ۔

ان بارہ بروج میں سے ہر ایک ایک خورشید ہے،

اور علی ان سب میں سب سے درخشاں ہیں جو کمال کے آسمان کا سورج اور آلِ محمد کا مطلع ہیں۔

علی وہ ہیں جن کی حقیقت کو سوائے خدا کے کوئی نہیں جان سکتا،

وہی ذاتِ خداوندی اور بلند و برتر ہے جو ان بلند مقام کو جانتی ہے۔

معرفتِ علی کی بات نا اہل لوگوں سے کرنا

ایسے ہی ہے جیسے پانی کی بات چھلنی سے کرنا۔

میں رضا کے پرتو سے اتنا منور ہوں کہ اگر

میری رگیں کاٹ دی جائیں تو ان سے بھی نور ہی نکلے گا۔