پزشک من شفیق و مہربانست

میرا طبیب مشفق و مہربان ہے اور ہمیشہ میرا غمخوار و خوش بیان ہے۔

رات بخار کی حالت میں جیسے ہی میرے رونے کی آواز اس کے کانوں تک پہنچی۔

وہ دوڑتا ہوا میرے بستر کے قریب آیا اور میری چشم پرنم پر اپنا ہاتھ پھیرا۔

اس نے میری زرد رنگت،آہ و زاری اور طویل رنج و الم کا سبب پوچھا۔

میں نے اس سے کہا کہ میرے درد کو کم کرو،آرام دو کہ دل کے درد کے سبب میری رنگت اس طرح زرد ہوئ جاتی ہے۔

میرا خوبصورت انداز و روش والا خوش اطوار طبیب میرے دل کی بیماری کا پتہ لگانے کے لۓ

جیسے ہی میرے سینے کے قریب آیا میرا دل سینے سے نکل گیا۔

محسوس یہ ہوا کہ وفاداری اس کا چہرہ نہیں ہے اور اس کے مشکدار گھنگھرالے بالوں کی خوشبو،خوشبو نہیں ہے۔

آنکھوں کو بند کر کے خاموش بیٹھ گیا، نہیں چاہتا تھا کہ اس کے سوا کوئ دیکھے۔

سوز و غم سے آرام پائیگا تا کہ سینے کے گوشے میں آباد کر سکوں۔

ایسا لگتا ہے کہ جیسے اس نے دنیا میں کبھی درد دیکھا ہی نہیں ہے اور تمام عمر اس نے غم کا سایہ بھی نہیں دیکھا ہے۔

اس بچے کی طرح کہ جس کی دایہ ماں کی جگہ پر ہو اور اسے شیر و شکر کھلانا چاہتی ہو۔

لیکن بچہ اپنے منھ کو سختی سے بند کر لیتا ہے نہ روتا ہے نہ بات کرتا ہے نہ ہنستا ہے۔

دایہ کو تو اپنی سر کی آنکھوں سے دیکھتا ہے مگر اپنی ماں کے چہرے کو اپنی دل کی آنکھوں سے دیکہتا ہے۔

آخرش دایہ نے کہا کہ بچہ سیراب ہو چکا ہے نہ اس کو شکر کی ضرورت ہے نہ شیر کی۔

میرا طبیب بھی دل کی خاموشی سے اکتا کر اس دایہ کی طرح راہ فرار اختیار کر گیا۔

اس نے مجھ سے کہا کہ تمہاری یہ فکر بیکار ہے ،تمھارا دل پر سکون اور صحتمند ہے۔

میں دنیا میں اس عمر کو پہنچ گیا میرے دل نے ایسی آسودگی نہیں دیکھی۔

جیسے بچہ غمزدہ اور شرم کرنے والا نہیں ہوتا کاش کہ اس طرح کے دل بہت سے ہوتے۔

وہ ہمارے سامنے سے مسکراتا ہوا مجھ سے دور ہو جا‎تا ہے جس سے میرا دل میں محشر بپا ہو جاتا ہے۔

اس چاند سے چہرے کو دیکھنے کے لۓ ہمارا دل آگ میں جلتے ہوۓ دیغ کی طرح جوش مار رہا ہے۔

میرے اشک بارش کے قطروں کی طرح دوبارہ بہ رہے ہیں،دوستوں خدا کے لۓ مجھے بتا‎ؤ کہ میں کیا کروں۔

میں اپنے طبیب کو اپنی مشکل کیسے سمجھا‏ؤں، اپنے دل کا حال کیسے سمجھاؤں؟