اے باد مشک بو بہ گزر سوئے آں نگار

اے مشک جیسی خوشبو والی ہوا اس محبوب کے پاس سے گزر

اس کی زلف کی گرہ کھول اور میرے پاس کچھ خوشبو لا

اس سے کہہ دے کہ اے میرے بے رحم چاند

آ جا اس لیے کہ تیرے عاشق انتظار میں مر رہے ہیں

ہم نے دل دیا ہے اور تیری محبت جان کے بدلے خریدی ہے

اپنے فراق کے ظلم اور ستم کو ہم پر روا نہ رکھ

زمانہ کی طرح تم نے غلام کو بھلا دیا

وفادار دوست کی گذارش ضرور سن لے

اے دل ہجر کے ساتھ نباہ کر اور صبر کر

اے آنکھ اس کے فراق میں اس سے زیادہ خون نہ برسا

ہاں دوست کے تصور کو نظر کے سامنے سے نہ ہٹا

جب کہ ہمیں دوست کے وصال پر اختیار نہیں ہے

اے حافظ تو کب تک دنیا کی دولت کا غم کھائے گا

زیادہ غم نہ کھا اس لیے کہ دنیا پائیدار نہیں ہے