بے کام و بے زبانم مست الست ہستم

میں بے حلق اور بے زبان ہوں، میں اپنی مستی میں مست ہوں، میں بے نام و بے نشان ہوں، میں اپنی مستی میں مست ہوں۔

اے میرے دوست! مجھے سچا درد تو نے ہی دیا ہے، ساتی آ کر مجھے جام دے، میں اپنی مستی میں مست ہوں۔

ہم شاہ بھی ہیں اور گدا بھی، ہم وصال اور فراق میں بھی ہیں، ہم مدام دونوں جہان میں موجود ہیں، میں اپنی مستی میں مست ہوں۔

میں اب مرغ لامکان ہوں جس کا کوئی ٹھکانہ نہیں، میں لامکان کے سوا کسی کو میں نہیں جانتا، ملائگی تخت پر قدم ہے، میں اپنی مستی میں مست ہوں۔

میں اسرار اور غیب کی چابی ہوں، میں ہر قسم کے نقص اور عیب سے بہت بلند اور برتر ہوں اور میں نور پاک میں زیب و زینت دیا ہوا ہوں کیوں کہ میں اپنی مستی میں مست ہوں۔

میں پاک باز شاہ ہوں، عشق میں اہل راز ہوں، حق کے ساتھ ناز کرنے والا ہوں، میں اپنی مستی میں مست ہوں۔

اٹھارہ ہزار عالم میرے وصال میں یکساں ہیں، یہ میرے حال کی کمالیت ہے، میں اپنی مستی میں مست ہوں۔

میں عرش اکبر پر گیا، میں نے پاکیزہ شراب پی، میں واصل ہوگیا کہ بہت واضح اور روشن ہوگیا، میں اپنی مستی میں مست ہوں۔

میں مے الست سے بے ہوش ہوں اور خیر و شر سے گذر چکا ہوں، پوشیدہ اور چھپے ہوئے سر کے ساتھ میں نے یہ کہا ہے کہ میں اپنی مستی میں مست ہوں۔

میں اسی مے سے طلوع ہوتا ہوں زاہد تو اس شراب سے بھاگتا ہے، میں شراب پیتا ہوں اور جھگڑتا نہیں ہوں، میں اپنی مستی میں مست ہوں۔

میں وزراء کے ساتھ بادشاہ ہوں، میں دانا ہوں اور پیش کار بھی باقاعدہ رکھتا ہوں، اسی کے عشق میں گرفتار ہوں، میں اپنی مستی میں مست ہوں۔

کبھی بادشاہ کبھی فقیر ہوں، کبھی خود ہی خدا ہوتا ہوں اور گنبد میں یہ آواز گونجتی ہے کہ میں اپنی مستی میں مست ہوں۔

میں نے دونوں جہاں کی پرستش کی ہے، کفر کا لباس پہن لیا، مستی کے مقام کا مالک ہوں، میں اپنی مستی میں مست ہوں۔

راجا! حق کا نور ہوں، خاص ذات میں محیط ہوں، اندر میں کوئی فرق نہیں رکھتا، میں اپنی مستی میں مست ہوں۔

جب سے دوست سے انجام کیا ہے، میرا ہر ایک درد جاتا رہا ہے، دیکھیں تو سہی کہ میں نے کیا بات کی ہے، میں اپنی مستی میں مست ہوں۔

میں زلف کے پیچ میں بندھا ہوا ہوں اور اس پر ہمیشہ ہنستا مسکراتا ہوں، اسی کے بغیر میں ایک پل بھی زندہ نہیں رہ سکتا، میں اپنی مستی میں مست ہوں۔

میں نے عشق کی بدولت جام پیا ہے، گویا دنیا دین کو فروخت کر دیا ہے اس کے سوا دوسری کوئی بات نہیں سنتا، میں مست ہوں۔

میں شراب کا دریا بہا لاؤں اور درد دل اس کے سپرد کردوں گویا میں شراب کے بغیر جی نہیں سکتا، میں اپنی مستی میں مست ہوں۔

مے فروشوں کی گلی میں اور عشاقوں والا جام نوش کروں، کیوں کہ سینے کے اندر جل رہا ہوں، میں اپنی مستی میں مست ہوں۔

ہم ہیں خاص وحدت اسی طرح ہم کثرت سے وحدت بھی ہیں، میں کوئی مذہب وملت نہیں رکھتا، میں اپنی مستی میں مست ہوں۔

حسینوں کے چہروں میں ان کی آنکھوں کی مستی میں ڈوب جاؤں کیوں کہ میں نے حسن کا جلوہ دیکھا لیا ہے، میں اپنی مستی میں مست ہوں۔

زاہد شراب سے بھاگتا ہے، عابد شراب دیکھ کر جھگڑتا ہے جب کہ سرمست شراب کی پرستش کرتا ہے، میں اپنی مستی میں مست ہوں۔

آسودگی اور اطمینان کے حامل عاشقان صادق، ازلی شراب کے دور کی وجہ سے مستی اور مدہوشی سے بے خود، جو مے پرستوں کے مظہر ہیں، میں اپنی مستی میں مست ہوں۔

اس نام کے علاوہ کوئی اور نام نہیں ہے، اس کے عشق کے سوا سب حرام ہے، اس شرف سے بڑھ کر کون سی خبر ہے، میں اپنی مستی میں مست ہوں۔

میں نے خود کو بھلا دیا ہے جس کے باعث خود ہی دوست کے پاس پہنچ گیا ہوں اور میں نے بہت کچھ راز پالیا ہے، میں اپنی مستی میں مست ہوں۔

میں نے اپنے فنا ہونے کی سیر بھی کر لی اور میں اس ظاہر سے بھی گذر گیا اور میں نے سب اسرار پوشیدہ کو بھی ظاہر دیکھ لیا، میں اپنی مستی میں مست ہوں۔

چوں کہ میں نے ہر غیر کو توڑ دیا ہے، میں کون و مکاں سے بھی گے بڑھ گیا ہوں اور اب تو میں لامکاں میں بیٹھا ہوا ہوں، میں اپنی مستی میں مست ہوں۔

میں اپنے دل کو آتش (عشق) سے جلاتا ہوں، میں اس سے دونوں جہانوں کو بھی جلاتا ہوں اور یہی سوز رات اور دن جاری رہتا ہے، میں اپنی مستی میں مست ہوں۔

میں نے دل کا نور حاصل کیا اور میں نے ظاہر ظہور دیکھا اور میں نے اسرار پوشیدہ کو سنا، میں اپنی مستی میں مست ہوں۔

شہباز شہسوار ہوں، قدسی پرواز رکھتا ہوں، وہیں سے شکار لاتا ہوں، میں اپنی مستی میں مستی ہوں۔

میں غیب کے صحرا میں گیا، میں شہنشاہ کے ساتھ بیٹھا اور جو خاص راز تھا میں نے کہہ دیا تھا، میں اپنی مستی میں مست ہوں۔

محبوب نے مجھ سے کہا کہ اے راجا! تو ہمیشہ یہاں رہ، تو ہمارے ساتھ ایک جگہ ٹھہر جا، میں اپنی مستی میں مست ہوں۔