امروز نگار ما نیامد

آج میرا محبوب نہیں آیا

وہ میرا دلبر اور یار نہیں آیا

وہ پھول جو روح کے باغ میں ہے

آج کی رات میرے پاس نہیں آیا

ہرن کی طرح ہم صحرا نشیں ہوگئے لیکن

مجھ تک تتار کی خوشبو کیوں نہیں آئی

اے مطربوں کی رونق ہمیں ذرا بتا

کہ وہ دنیا کی رونق کیوں نہیں آئی

بانسری اور دف سے ابھی توبہ مت کرو

کیوں کہ ابھی وہ قرار و آرام نصیب نہیں ہوا

جان کا وہ ساقی تو آ گیا لیکن

ابھی تک ہمارے خمار کا علاج نہیں ہوا

شمس تبریزی تو ہی بتا

کہ فصل بہار کیوں نہیں آئی