طور سینا گشت موسیٰ را مقام

ترجمہ : حضرت موسیٰ کے لیے طور سینا قرب کا مقام بنا تو بھی اگر ایسا مقام تلاش کرلے تو وہاں تو بھی بغیر کسی پردہ کے خود اللہ تعالیٰ کا کلام سنے۔

ایک عاشق کے لیے طور کا مقام معراجِ دل کو حاصل ہے دل کے طور پر ہر لمحہ حق تعالیٰ کی طرف سے سلام پہنچتا ہے۔

دل جو کہ باطن میں آنکھ کی پتلی ہے اسے اللہ تعالیٰ کا عرش جانو، حضرت رسول اللہ کی حدیث مبارک سے یہ بات اخذ ہوئی ہے۔

تو اس انسانی دل کو ناسوتی یا خاکی تخم سمجھ لے لیکن اس میں تمام عالم لاھوت کا راز سمایا ہوا ہے۔

انسان کی حقیقت کو مطلقاً اللہ تعالیٰ کا راز جانو آگاہ ہو جاؤ سن لو میں نے تمام بات اجمالاً تجھے کہہ دی ہے۔

اے دوست! انسان خدا تعالیٰ کا خاص مخزن راز ہے صاحبِ معرفت کے بغیر کوئی شخص اسے نہیں سمجھ پاتا اور تم پر سلامتی ہو۔