الا اے یار فرزانہ بیا باما بہ میخانہ

ترجمہ : اے عقلمند دوست! آگاہ ہو جاؤ میرے ساتھ میخانہ معرفت میں چلے آؤ، مردوں کی طرح مستانہ وار جامِ معرفت سے عہد کر لو۔

جائے نماز کو گروی رکھ کر شرابِ معرفت کا پیالہ ہاتھ میں لینا چاہیے، دل و جاں کو پاک و صاف کر کے عقلمند آدمی ہونے کا گھمنڈ چھوڑ دے۔

کیا ہوا تو اگر حکیم و دانا بھی بن گیا مگر اس جہاں میں تو تیری قدر نیم جو کے برابر بھی نہیں، تو اس وقت مرد کہلا سکتا ہے جب راہِ عمل میں دیوانہ وار نکل پڑے۔

تم فقر کا لبادہ اوڑھے ہوئے ہو مگر اس کی شراب نہیں پیتے ہو، مکر و فریب میں کیوں لگے ہوئے ہو بناؤٹی باتیں کرتے ہو۔

وہ ذات پاک خود واحد اور ہدایت کرنے والا ہے تو اس فقر کیا وادی میں اکیلے جا، تو اے موت خود مردوں کی طرح اولوالعزم ہوجا تجھے ہمیشہ وصل کی شادمانی ملتی رہے گی۔

تو نفی لا الہٰ الا اللہ کی کیا بات کر رہا ہے جبکہ تو اس ذات ھو حق تعالیٰ اور ھو کے ساتھ رہنے والا مرشد کامل کو تلاش نہیں کرتے ہو۔

تم غیراللہ کے ساتھ کیوں وابستہ ہو مستانہ وار وہی ھو ھوالھو ہے کا نعرہ لگاؤ، اس شرابِ معرفت کو متوالوں کی طرح پی لو اپنی نفسانی انانیت کو ختم کر دو پیر میخانہ نے دعوتِ عام دے دی کہ اے دوستو باہوؔ کو تلاش کر لو۔