آمد خیالی در دلم خرقہ را برہم زنم

ترجمہ : میرے دل میں ایک خیال آیا کہ اس گدڑی کو پھینک دوں، تسبیح کو توڑ ڈالوں اور مصلیٰ کو الٹ پلٹ دوں۔

دستی لاٹھی کو پھینک دوں پاکیزگی کی گدڑی کے ٹکڑے کر ڈالوں خود پسند سے کنارہ کر لوں اس گھر کو ویران کر دوں۔

میں اپنے آپ ویرانے کو چلا جاؤں اپنے آپ سے فارغ ہو جاؤں میں اسی لیے اپنا خونِ جگر پی رہا ہوں کہ اس نفس امارہ کو ختم کر دوں۔

میں شراب خانہ سے ایک جام لے جاؤں اور اسے پورے یقین کے ساتھ پی لوں دین اور دنیا کے انعامات سے مستغنی ہو جاؤں اور اس دنیا کی ہوس کو آگ لگا دوں۔

اپنے محبوب کا شیفتہ ہو کر میں آج مجنوں کی طرح ہو جاؤں اکیلے ہی جنگل کو نکل جاؤں اور بیخودی میں مستغرق ہو جاؤں۔

اگر مجھ میں خود نمائی ہو تو اس دل میں قوت نہیں رہتی روح اور جسم کو علیل پا کر اس دنیا سے کوچ کرنے کا نقارہ بجاتا ہوں۔

میں نے دوست کے ساتھ نباہ کر لی اس غمخوار محبوب کے حضور چل پڑا ہوں اس دنیا سے اکیلا نکلا ہوں الوداع کا شور و غوغا کر رہا ہوں۔