aañkh khol ke dekho to sab ek zaat se gherī hai

jā se nuur huā hai din ko vā se raat añdherī hai

aankh khol ke dekho to sab ek zat se gheri hai

ja se nur hua hai din ko wa se raat andheri hai

gar aañkh terī hai dekh tū har chiiz ke andar zāhir hai

mahbūb terā Tuk soch to tū har haal se tere māhir hai

gar aankh teri hai dekh tu har chiz ke andar zahir hai

mahbub tera Tuk soch to tu har haal se tere mahir hai

gar āshiq sādiq hai us kā mat ulfat tū ġhair se joḌ

zulm kare yā sitam kare tū ishq se us ke muñh mat moḌ

gar aashiq sadiq hai us ka mat ulfat tu ghair se joD

zulm kare ya sitam kare tu ishq se us ke munh mat moD

jab ishq āshiq bebāk kare tab paave apne matlab ko

tan man ko maar ke ḳhaak kare tab paave apne matlab ko

jab ishq aashiq bebak kare tab pawe apne matlab ko

tan man ko mar ke KHak kare tab pawe apne matlab ko

gar tālib-e-allāh huā hai ishq ko pahle paidā kar

prem kī chakkī meñ dil apnā piis pisā kar maidā kar

gar talib-e-allah hua hai ishq ko pahle paida kar

prem ki chakki mein dil apna pis pisa kar maida kar