طالب کو چاہیے کہ اگر مجاہدہ میں کوئی چیز ظاہر ہو تو اس پر اکتفا نہ کرے بلکہ اس سے اعلیٰ حاصل کرنے کی کوشش کرے اور جو کچھ ظاہر ہو اس کا کسی سے ذکر نہ کرے، البتہ اپنے پیر و مرشد سے اس کا ذکر کرسکتا ہے۔

خدا رزاق ہے، پھر خدا کو چھوڑ کر بادشاہوں کے در پر کیوں جایا جائے، خدا کے ہوتے ہوئے بادشاہوں کا احسان مند ہونے کی کیا ضرورت ہے۔

طالب کو چاہیے کہ توحید حاصل کرے یعنی دل کو غیرِ حق سے تخلیص دے یعنی اس بات میں کوشش نہ کرے کہ مجھ کو طلبِ حق حاصل ہو یا اس کی ارادت حاصل ہو یا اس کا علم حاصل ہو یا معرفت حاصل ہو۔

طالب کو چاہیے کہ ذکرِ حق کی لذت کو اپنا کمال نہیں سمجھے بلکہ محض فضلِ الٰہی اور برکتِ شیخ کا انعام سمجھے کہ یہ لذت عمر بھر کی ریاضت سے بھی حاصل نہ ہوتی، اگر فضلِ حق شاملِ حال نہ ہوتا۔

طالب شعورِ دل کو غیرِ حق سے دور کرے۔

عشق کی علامت یہ ہے کہ غیرِ حق جل جائے اور وہ اس حد تک کہ طالب کی ذات بھی جل جائے یعنی وہ فراموش ہوجائے سوائے حق کے۔