باعث تسکین دل ہے داستان اہل بیت

باعث تسکین دل ہے داستان اہل بیت

ہر مسلماں کا وظیفہ ہے بیان اہلِ بیت

اشرف المخلوق ہے ہر خاندان اہل بیت

اس لیے افضل ہوئی عالم میں شان اہلِ بیت

اہل بیت پاک کا میں بھی ہوں اک مدحت سرا

مجھ کو کہتا ہے زمانہ مدح خوانِ اہلِ بیت

نونہال گلستانِ فاطمہ کوکب خزاں

حشر تک پھولے پھلےگا بوستان اہل بیت

یادگار حضرت شاہ شہیداں ہے شفق

ہے فلک پر آج تک نور فشان ِ اہل بیت

آل احمد شمسِ دین کےسلسلہ کے ساتھ ہوں

میں بھی ہوں منجملۂ وابستگانِ اہل بیت

اس کی بخشش کو بہت کافی ہے اتنا واسطہ

نام حمزہؔ کا ہوا ہے مدح خوان اہلِ بیت